السلام عليكم
هل صحيح ان الايمجراند وزن السيارة اكبرمن سعة الماتور ..؟؟؟؟
الكلام التالى مذكور فى منتدى شهير وبيقول :
{ثالثا بالنسبه للموتور فالعربيه دى بيصنع لها ماتورين , واحد 1500 سى سى و ده اللى عندنا و التانى 1800 سى سى و ده بينزل بره , و الحقيقه انا لما عملت بحث عل نت لاقيت ان المواقع الاجنبيه بتقول ان الموتور ال 1800 اللى هو اقوى مل عندنا ضعيف على العربيه و بالنص الانجليزى :
Geely’s 1.8-litre engine looks underpowered
و المعلومه دى حتلاقيها فل الروابط ديه :
Geely Emgrand EC7 Review | Autocar
Emgrand EC718: For a different look on Chinese cars - Autonet – Auto & Motorcycle Online Magazine
و برضه لما كنت بتكلم مع رجل المبيعات اللى فل معرض اللى فى صلاح الدين قالى كلام مشابه لذلك بس بطريقه متقفلنيش مل عربيه و طبعا الكلام كان عن ال1500 سى سى اللى هى المفروض اضعف , قالى انه جربها و مشى بيها من مكان التسليم لحد المعرض , قالى "بص , هى عل اولانى بتطلع ببطء و بتسارع ضعيف و ممكن تسقف منك زى طلعة الميتسوبيشى لانسر الشارك اول ما نزلت كانو بيقولو عليها كده برضه عشان موتورها كان 1500 و البودى بتاعها كبير و تقيل و برضه عل ار بى ام الواطى بيبقى التسارع ضعيف , بس هى بعد كده لما بتاخد سرعتها بتبقى عادى" طبعا هو ذكرلى الميتسوبيشى لانسر عشان عايز يوحى ليا كده ان العيب ده فى انجح و اشهر العربيات فى مصر و يابانى كمان , فده ميخلينيش اقلق من الجيلى خالص , يعنى مل اخر احسن منها و بتعمل كده برضه عااااادى , و بالنسبه للموضوع ده و بعيدا عن لغة الأرقام احب اقولكم ان المشكله ديه مش بتتوقف بس على قوة الموتور , لا كمان ليها علاقه بنسب تروس نقل الحركه و وزن العربيه و طبيعة الطريق نفسه اللى ماشيه عليه العربيه و نوع البنزين و طبعا مهارة السواق لو العربيه مانيوال , رابعا: شنطة العربيه بتفتح من جوه بس و بالكهرباء , يعنى ايه , يعنى لو البطاريه نامت مش حتعرف تفتح شنطة العربيه من جوه طبعا و لا من بره كمان لأن الشنطه مابتتفتحش بمفتاح , و ساعتها عشان توصل للى فل شنطه لازم تقوم بالخطوات التاليه : تفتح باب العربيه بالمفتاح مش بالريموت , ترجع ظهر الكنبه لقدام و تمد ايدك على اد ما تقدر و تجيب اللى فل شنطه , طبعا لو البطاريه نايمه و انت شايل كابل توصيلة كهرباء فل شنطه لزوم الاحتياط , لو سمحت متحطهوش بعيد عن ظهر الكنبه الخلفيه عشان يبقى سهل تجيبه و ميطلعش عينك ,}
هل الكلام السابق سليم ؟؟؟؟