اخي الكريم بعد التحيه . مرفق لك صوره اتمنا ان تجيب على سؤالك
|
نعم بالفعل الصوره جاوبت على تساؤلى
ولا يوجد علاقه بين الرشاشات والغاز
|
ولي استفسار كيف يمكنني التاكد من صلاحية بلف تنظيم البنزين
|
بلف تنظيم ضغط البنزين فى الحقن الألكترونى
بيعمل غالبا من خلال خط تخلخل أو فاكيوم من بعد بوابة دخول الهواء لغرف الحريق
بيكون عامل زى رداخ البنزين بتاع زمان ( مع الفارق )
خط التخلخل بيرفع رق البلف من الداخل ( حسب التخلخل )
وحسب ضغط السائق على دواسة البنزين
ومن هنا بيتم ضبط ضغط البنزين فى مسطرة الرشاشات
نعمل أيه أحنا علشان نعرف البلف شغال ولا لا
هناك طريقتين بدائيتين
1- نحل خرطوم الفاكيوم الذاهب لتشغيل البلف ( من بعد البوابه )
بعد تشغيل المكنه فتره من الوقت
لقينا الخرطوم فيه بنزين
يبقى رداخ البلف مقطوع وتالف
2- ممكن نشغل المكنه عادى جدا ....ونجس بحاسة اللمس بقبضة اليد خط الراجع من نهاية مسطرة الرشاشات ....ورايح لتنك البنزين
لقينا مفيش ضغط يذكر أو سريان للبنزين بيرجع للتنك ( يبقى البلف مبيفتحش فعلا )
وقافل السريان على راجع البنزين للتنك
|
وكذلك الرشاشات .
|
الرشاشات
يمكن أختبارها بطريقتين
1- بأخراج المسطره كاملة بالرشاشات بره المكنه وفيش الكهرباء واصله
ونفتح الكونتاكت على وضع ماقبل سنة المارش
طلمبة البنزين حتودى البنزين لمسطرة الرشاشات
لو لقينا البنزين بيشر أو بيسيل على هذا الوضع ( والمكنه مش شغاله )
يبقى الرشاشات وحشه ومحتاجه تتغير
2- يمكن أختبار تسيل الرشاشات أيضا على جهاز الأختبار المخصص لهذا الأختبار