والله يا جماعة الموضوع ده موضوع اعلانى اكتر من كونة حقيقة
العربيات المصفحة كلها فى رائى معمولة علشان لو واحد اهبل ضرب طلقتين ولا رمى قنبلة (يدوية) كده على العربية ميحصلهاش حاجة لان عيب حاجة عبيطة زى كده تدمر عربية بالمبلغ ده
لكن اكتر من كده لاء والف لاء
لانى بلاقى من التقارير والموضوعات اللى بتتعمل عن العربيات المصفحة انها عايزة توهم القارىء انها بقت دبابة مش بس عربية فى حين ان اعتى الدبابات بيتم تعطيلها وحرقها بوسائل بدائية كمان
وخدو الخبر ده لسه الشهر اللى فات
وسرعان ما تبين ان هذا الانفجار استهدف سيارة مصفحة للسفارة الاميركية، كانت تمر على الطريق البحرية التي تصل بيروت بمنطقة الدورة وجوارها والتي تسلكها آلاف السيارات هرباً من زحمة السير التي تحصل على الاوتوستراد. وأدى الانفجار الى اصابة السيارة المستهدفة، وهي مصفحة، بأضرار جسيمة وهو ما أدى الى اصابة الاشخاص الثلاثة الذين كانوا بداخلها وبينهم الاميركي ماثيو كلايتن، الذي نقل ورفيقاه الى مستشفى الجعيتاوي في الاشرفية للمعالجة.
|
فده واقع السيارات المصفحة
ومن ناحية تانية زى ماذكرت فى موضوع سيارة الرئيس الامريكى
ان اى عربية محركها امامى وتعتمد على الهواء فى التبريد يسهل تعطيلها بضربها فى المقدمة لان استحالة منطقياً يتعمل تصفيح كامل حوالين الريداتير والموتور
ده بالاضافة لان الزجاج مهما كانت سماكتة لا يمكن انه يصمد قدام قذائف من العيار الثقيل او حتى قذائف الار بى جية والهاون
ده غير ان الكاوتش اللى بيقولوا بيجرى وهو مخروم مش عارف هتجرى العربية ازاى لو الكوتش ساح من اثر انفجار قوى ولا الكاوتش كمان مش هيسيح !!
ولو تخيلت جداً ان العربية كلها كتله صلبة فعلاً فاى انفجار قوى فعلا سينتج عنه موجات تضاغطية كفيلة بانها تقلب العربية وساعتها سلملى على الانظمة والتصفيح
بس هنقول ايه اهى ارزاق