انا كان معايا برايد 97 قبل العربية ديه ....هى عربية حمالة اسية بس لما بتزعل زعالها وحش
المهم اغرب موقف حصل معايا كنت فى العجمى بيها ووصلت على 12 بليل طبعا دخلت الشقة واترميت على السرير
وعلى الساعة 2 كده فجاءة لقيت اللى بيصرخ من تحت باللهجة الصعيدى ويا استاذ محمد الحق العربية بتمشى لوحدها !!!!!!!!!!!!!!!!!
انا طبعا فضلت قاعد على السرير مسبهل وفاكر انى بحلم لحد ما والدى جه فوقنى
المشكلة ان الجيران كانوا قاعديين قدام العربية ومعاهم عيال صغيرة لما حصل كده فاجارك الله على الصويت
المهم نزلت اشوف العربية لقتها مشيت حوالى 12 متر لحد ما خبطت فى عربية قدامها
فتحت العربية السنتر لقيته فاصل وادور فيها مبتدورش وانا طبعا فى غيبوبة وعايز اناااااام ومش عارف افكر
المهم فصلت البطارية ونمت وقلت تولع للصبح
تانى يوم رحت ادور على اى حد بيصلح عربيات لحد ما عترت فى كهربائى المهم جه قالى العربية لمست مارش وكانت واخده غيار فمشيت وطبعا المارش الله يرحمه ...طب ياعم هاتلها مارش جديد قالى ماشى بس قول يارب الاقى قعد يومان بيدور على مارش لحد ما عطر فى واحد بتاع اكسيل بس للاسف كان فتحته يمين وبتاعى فتحته شمال ...اخر ما زهق قالى انا هنزل البلد اجيبلك بس هتتكلف قلتله مش مهم راح جابلى واحد وركبه ..اللى يشل بقى فى الحوار انه ركب الجديد ونسى يصلح سبب الماس
طبعا شحن البطارية والعربية مشيت وحصل اللى حصل تانى يوم والمرش الجديد اتحرق
فامش هحكيلك على اللى عملته فى الكهربائى
وطبعا خدت العربية ودورتها زق وجت على القاهرة بيها ورمتها جمب العمارة وكانت اجازة لووووووووز 4 ايام بصلح فى عربية واللى شلنى اكتر انى ملقتش مارش الا عند واحد بيلف جنب قصر عابديين فاتقفلت من ام العربية وبعديها بشهريين اتخلصت منها
وديه كانت قصتى مع البرايد ياعم ..... يلا عربية كانت اصيلة بس مش اوووى يعنى
