رد: احكى تجربتك مع تجار السيارات
حاقولك على تجربتى وعلشان مليش خبره فى البيع والشراء أشتريت عربيه أكسيل من فنى معايه فى الشغل وبدون كشف على العربيه وأختها منه ثقه وكانت محتاجه شوية تظبيط تغيير عفشه ودهنتها فرن وجبت بطاريه جديده وغيرت الفوانيس رغم أنها كانت سليمه وفرشت الأرضيه جلد ونجت الكراسى وروقت العربيه وكان موتورها متغير وكانت العربيه فعلا ممتازه بعد التوضيب اللى عملته وكنت حابب العربيه جدا وكانت موفره فى البنزين رغم أنهاكانت 1500 كامله مانوال ومكنتش ناوى أغير وكنت سعيد بيها جدا ولأنها أول عربيه فى حياتى لدرجة غيرت الأكصدامات جبتها أستيراد والعربيه والله كانت أكثر من رائعه وكنت شاريها 28000 وبعد الشغل دا كله وبعدها بعشره شهور فكرت أغير لزيرو وقولت أبيع وكنت ببيع بحسن نيه وربنا يعلم وعرضت السياره للبيع وكانت الصدمه الكبرى مع أحد التجار قاللى العربيه دى كبيرها 22000 لأنها مغيره ربع وروحت البيت مكتئب وبعدين كشفت على العربيه لقيتها سليمه لامغيره ربع ولاخمس وبعد مناهده مع التجار والسوق والزباين اللى بتتصل وأخيرا بعتها 33500 المقصود من كلامى أن فيه ناس معندهاش ضمير وخصوصا التجار وأصحاب المعارض بيبخسو السعر علشان كده ربنا مابيباركلهمش ونصيحه لكل أخ عايز يشترى ياخد معاه سمكرى ثقه مش ميكانيكى مهم جدا ولما يبيع يتأنى فى البيع جدا جدا لأن الشارى لو حس أنك عايز تبيع بيشك فى العربيه ودى تجربتى فى بيع سيارتى الأكسيل
|