[AbOnOrA]

ابراهيم باشا اهلا بيك فى مصر موتورز

سؤالك جميل احييك عليه فعلا بس محتاج شوية توضيح وتحليل

مبدئا لو هنقارن بين عناصر الامان فى عربية سيدان او هاتش باك من نفس النوع هنلاقى الاتى

وسائل الامان فى العربيتين واحدة ولها نفس الفعالية فى مقابل التصادم الامامى

وسائل الامان فى العربيتين واحدة ولها نفس الفاعلية فى مقابل التصادم الجانبى

اما التصادم من الخلف فده مش بيتعملوا اختبارات تصادم (مش عارف ليه ) بس منطقيا لو العربيتين من نفس النوع والفرق بينهم بس ان واحدة سيدان والتانية هاتش باك اكيد التصادم الخلفى هيبقى ليه تاثير اكبر على مقصورة الركاب فى الهاتش باك اكتر منه فى السيدان

اما بالنسبة للتيدا فهى اجمالا عربية ممتازة ومتينة ومطابقة للمواصفات الاوربية الاشد صرامة فى مواصفات الامان
ولاكن

فى الفيدو الاول هتلاقى نتيجة التصادم جيدة على اعتبار وجود ايرباج مزدوج فى للقائد والمرافق

http://youtube.com/watch?v=Ya55Z94cQ-k

فى الفيديو التانى وده اختبار هيئة التامين الامريكية هتلاقى ان العربية فيها ايرباج امامية وجانبية

http://youtube.com/watch?v=mllf9NSsX1Q

فى الفيدو الاخير هتلاقى نتيجة الاصطدام الجانبى وده اللى بيسقط اى عربية دلوقتى وده اللى سقط موديلات التيدا قبل 2007 بسبب عدم وجود وسائد هوائية جانبية

http://youtube.com/watch?v=d8uzPluD82Y

بس السؤال هنا الوكيل بينزلها بأيرباج جانبية ولا لاء ؟؟

الاجابة للاسف لاء

التيدا سيدان او هاتش باك بتنزل بتجهيزين
فول اوبشن
وده فيه ايرباج للسائق فقط !!

وفول اوبشن بلس
وده فيه ايرباج للسائق والراكب الامامى فقط !!

حتى احزمة الامان بسنسور الشد المسبق مش بينزل الا فى الفول اوبشن بلس
ايضا التبطين المزدوج للابواب مش موجود الا فى الفول اوبشن بلاس

للاسف لازم نعترف بحقيقة ان عوامل الامان مش محل اهتمام وكيل نيسان فى مصر