المشاركة الأصلية كتبت بواسطة dreamonline
السلام عليكم ورحمه الله وبركاته
دى اول مشاركه ليا فى المنتدى الجميل ده بس اانا مش كنت بشارك لانى مش كان عندى عربيه
ندخل فى الموضوع : ptmnlo123per1147
ياجماعه انا معايا عربيه اسبرانزا A113
وعاوز اعمل ساوند سيستم نضيف
المطلوب هو عاوز حاجه صوتها عالى والبيز حلو بس عاوز لما اعلى الصوت اهم حاجه النقاء فى البيز والصوت
انا عاوز اعرف انا هحتاج اغير الكاسيت بتاع العربيه اللى جى معاها ولا هو هو
انا الميزانيه اللى حاططها 2000 جنيه
عاوز اعرف لو لازم اغير الكاسيت هجيب ايه نوع الكاسيت والسماعات وياريت الاسعار وتكون حاجه حلوه فى حدود 2000 جنيه
ولو مش هغير الكاسيت بردو الميزانيه 2000 جنيه هجيب ايه !!!!
ارجو الرد والافاده من الاعضاء الكرام
|
بص ياباشا انا معرفش مواصفات الكاسيت بتاع العربيه بس عاما بيبقى تعبان يعنى من الافضل تغير وماتفكرش فى اى حاجه غير البايونير وهانسيب موضوع النوع والسعر ده للاخر
ندخل بقى على السماعات برده من غير تفكير عليك وعلى الكينوود لانه الانقى صوتا
هاتجيب سماعتين كينوود دابل بييز 500 وات متنساش كلمه (double bass ) ودى 400 جنيه ولو عايز تعمل سيستم جامد زود كمان سماعتين على حسب الى انت عايزه
ندخل على الجى ام برده من غير تفكير عليك وعلى السيمفونى لانه الافضل والارخص والافضل ليس مقارنا بالبايونير ولا الماركات العاليه ولكن هو افضل............ هلتجيب جى ام سيمفونى 400 وات 4 تشانل وده هايعمل فى حدود400 جنيه تقريبا انا مش متاكد من السعر وده هايبقى تمام لو ركبت اربع سماعات بس انا عن نفسى افضل لما يكون فى بييز يكون من صب ووافر (زى مابيقولوا ..ادى العيش لخبازه) من الصب هاتسمع بييز جاااااااااااااامد بخلاف السماعات
ولو عايز تجيب صب ووافر مش عارف بصراحه اسعاره ايه بس في حجات 400 جنيه كويسه بس انصحك يابايونير يا كينوود .... انا فى عدتى القديمه كنت جايب بايونير وفى العده الجديده جبت كيننود والاتنين بصراحه ما شاء الله
نرجع بقى للكاسيت البايونير ....... البايونير كله الخارج بتاعه واحد وهو 50*4 وبيبتدى من 500 الى 4000 جنيه وده زى ده بس الاختلاف فى الاوبشن بس يعنى هات الى انت عايزه المهم يكون بايونير لانه انضف حاجه فى السوق
واخيرا كل حاجه قولتلك عليها من تجربتى الشخصيه على العدد الى جبتها ليا ولصحابى
لو عوزت اى اسفسار تانى انا معاك