رد: سيارات حديثة..مفاهيم قديمة..قدرات محدودة
هل نحن بحاجة لتغير مفاهيمنا عن السيارات ؟
نعم مازلنا بحاجة لتغيير الكثير من المفاهيم كما ان الكثير من المفاهيم تغيرت بالفعل وتتغير شكل دائم لتلائم ظروفنا طبيعة السوق
هل نحن غير ناجحين مع السيارات ذات التكنولوجيا العالية ؟
ديه حقيقة بس المشكلة مش فى التكنولوجيا بس المشكلة الاكبر ان السيارات حديثة التقنية تنتمى لفئة عالية تحتكرها توكيلات لازالت فى الغالب تتعامل هى نفسها بالمفاهيم القديمة
هل نحن بحاجه لسيارات أرخص بتكنولوجيا أقل ؟
ديه حقيقة ومش احنا كل المجتماعات اللى تحولت للرأسمالية وتغيرت التركيبة الطبقية بتاعتها محتاجة عربيات رخيصة بتكنولوجيا اقل تطوراً واكثر اعتمادية واسهل فى صيانتها وده سبب نجاح الصناعة اليابانية والكورية وحديثاً الصين ماليزيزا الهند ايران
وده برضو سبب ان السوق الصينية كاستهلاك هى الاكبر دلوقتى فى العالم ولو ضميتها للسوق الهندية هتبقى الاكبر على الاطلاق واحنا زيهم عايزين عربيات رخيصة فى سعرها وتكاليفها
هل نحن بحاجه لفنين من طراز جديد ؟ و كيف يمكن الحصول عليهم ؟
بلاشك اشارتك للجزئية ديه صحيحة 100% عندنا فعلاً مشكلة كفائات مع العلم ان كفائة الفنين المصريين ارتفعت فعلاً بشكل كبير وملحوظ فى السنين الخمس الاخيرة ومازالت تتحسن بعمل تؤائم الفنيين مع مطلبات السوق وانا شخصياً اعرف ورش كتيرة سعت ونجحت فعلاً فى تطوير معداتها وخبراتها وصاحب الورشة اللى مبيعرفش يتدرب على الاجهزة الحديثة بيدرب ولاده بدالة صدقنى ديه حقيقة
بس فى نفس الوقت ده مش كفاية محتاجين دور الدولة ودور المؤسسات الصناعية الكبرى والاتحادات والغرف التجارية مع الجامعات والمعاهد وباقى المؤسسات التعليمية تتعاون وتعمل مشاريع تدريبية لرفع كفائة العاملين فى صناعة السيارات ككل <!-- / message -->
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|