بص يا ريس
أنا لفيت و لفيت زيك بالضبط و يمكن أكتر
لحد الآن مقدرش أضمنلك من الصنايعية غير دول
(معلش المشوار ليهم ممكن يكون بعيد بس دول لو عندك مشكلة قرفاك بيجيبوا من الآخر, خبرة و أسعار و أمانة)
ميكانيكا و عفشة
محمد طلبة
ده فى الوراق أمام شركة الغاز, كان شغال فى شركة ماس إليكتريك و بعدها أشتغل مع والدة فى توكيل لادا و أخذ دورات تدريبية فى روسيا و شغال فى القديم و فى الكورى و فى اللادا طبعاً
محمد طلبة الميكانيكى (توكيل لادا)
الدائرى - نزلة الوراق - شركة الغاز
شركة الغاز و انت رايح ع الدائري هايبقى على يمينك و لو انت جاى من الدائري هاتلف من عند الغاز و ترجع تانى و تخش تالت شارع شمال
او كلمه بالتليفون و انت عند الغاز احسن
01111966816
محمد طلبة :- 11966816 - 011
|
فى صنايعى بردة زميلنا الأستاذ سيد عصام مشرف قسم الفيات بيتعامل معاه و شكر فى شغله
ميكانيكا
الاسطى :محمود حامد
تليفون: 01096700145
العنوان نفس عنوان الاسطى احمد حنفى بس الشارع اللى وراه على طول وممكن الاسطى احمد خنفى يوصفهولك او اتصل برقمه يوصفلك الطريق اكثر
|
و ده أحمد حنفى... عبقرى الكهربا و التكييف
كهربا وتكيف
طبعا الغنى عن التعريف
الاسطى : احمد حنفى محفوظ
تليفون:01065020100
العنوان : شارع التعاون بجوار مكتب صحة المعادى قريبا من ميدان سوارس وشارع 77 ونادى المعادى وقريبا من مترو المعادى
|
و ده مركز للعفشة فقط
عفشه
طبعا فى العفشه فلا منافس مع الاسطورة بمعنى الكلمه
الاسطى :مدحت الباشا
تليفون : 01001514998
العنوان منيل شيحه على الطريق الرئيسى اسئل اى ميكانيكى على الطريق فين مركز مدحت الباشا للعفشه و الف مين هيدلك عليه بس اهم حاجه تروح بدرى من الساعه 9 الصبح علشان تلحق مكان علشان متستناش كتير لانه المركز بيشيل حوالى 20 سياره فقط لا غير وهتروح تلاقى طابور اطول من طابور البنزين وناس هتلاقيها واقفه من الفجر اقف فى الطابور ده
|
و أخيراً عبقرى الكربراتير بعد تجربة أكتر من 3 صنايعية (نصابين قصدى) مفيش غير ده (حتى الآن بالنسبالى)
كربراتير
======
بيانات البشمهندس معتز المصرى
تليفون:01222648701
العنوان :12ش زهير العتال من مصر حلوان الزراعى بجوار الشبراويشى وامام كشرى كهرمان - دار السلام
من الكورنيش, هتدخل فى الشارع إللى بين المحكمة الدستورية و مستشفى القوات المسلحة ( مدخل موقف المطبعة) و آخر الشارع هتدخل شمال فى الشارع الزراعى لحد متلاقى محل "ألبان رزة" على شمالك, قبل شركة الشبراويشى, تدخل الشارع اللى قدامه يمين هتلاقى الورشة (عالم الكربراتير)
|
كده ناقص واحد بتاع سمكرة و دوكو و يبقى الطقم كامل, لو حد من الأعضاء - أو الأستاذ سيد عصام - يدلنا على سمكرى و صنايعى دوكو برضو شغل نضيف و أمانة و أسعار معقولة يبقى جزاهم الله كل الخير