[kj1]

مشكلتهم مع السيسى سوء الفهم وسوء التقدير ..
يعنى الإخوان إفتكروه معاهم لأنه بيصلى وعنده علامة صلاة وولاده حافظين القرآن ومراته محجبة .. وكأن الصلاة والإلتزام حكر ع الإخوان .. فقالوا وزير دفاع بنكهة الثورة وقالوا ما قالوا .. وهو صامت مبتسم لا يؤكد ولا ينفى .. لحد ما لبسهم فى الحيطة وأصبحوا ما بيكرهوش حد بعد عبدالناصر قد السيسى.
ثم ظن الفلول والأنطاع أنه طالما قلب الإخوان وكان مدير مخابرات مبارك ودراع طنطاوى اليمين يبقا هيكون إمتداد لنظام مبارك .. وقعدوا يلطشوا فى ثورة يناير و ينافقوه وهوا مبتسم وصامت .. وكل ما يطلع تصريح لصالح يناير يتفلسف المغفلين الأنطاع ويقولك بيجامل يتامى مجيدة .. ده كلام سياسة وبس .. الجيش راجع للحكم ومصر هترجع لنا زى زمان .. ده إمبارح كان بيغازل رجال أعمال مبارك وبيلم منهم فلوس .. ده تبعنا بس بتوع مجيدة مش فاهمين .. لحد ما لبسهم فى الحيط وطلب م الحكومة قانون لتجريم من يتطاول على يناير أو يونيو .. عشان يبقا خد الفلول والإخوان ( أعداء الثورتين ) فى كنكة واحدة .. ولا عزاء للأغبياء .
لمن يهمة الامر .!!
فخامة الرئيس/السيسي كان مديرآ لجهاز "للمخابرات الحربية والأستطلاع".
أنتهى.