[AbOnOrA]

انتى بتفكرينى بواحدة زميلتى كان عفريتة كدة فى السواقة معرفش ليه انتو مش الجنس ناعم برضو طب لما انتو تخمسو وتطلعو امريكانى احنا نعمل ايه نحط روووج

اوعى تزعلى انا بهذر واحنا كلنا فى مصرموتورز بنشجع بنات وسيدات مصر كلهم على السواقة عموماً وتعلم رياضة المحركات والقيادة الرياضية ((الأمنة)) كمان

بصى يا ست البنات الامريكانى والحركات ديه كلها اصلها معمول للعربيات الدفع الخلفى الامامى يعنى بتعمل الحركات بس بتبقى عرجة شوية زى راقصة بالية برجل واحدة تخيلى !!
بس ممكن مش هتقول لاء

الامريكانى قائم على فكرة ان العربيه تطلع من الثبات للحركة بقوة وشكل مفاجىء وده معناه ان العجل يفرك فى الارض من فرط السرعة وده معناه ان لازم الارض تكون ناعمة شوية

ازاى نخلى العربيه على عزم جامد وهى ثابتة ببساطة باننا ندوس بنزين جامد وفى نفس الوقت مكلبشين فرامل
وازاى نخلى العجل يفرك ديه راجعة لنوع ونقشة الكاوتش وكمان طبيعة الارض فيه اسفلت بيبقى ناعم وفيه خشن وفيه اسفلت لما يبقى عليه شوية ندى او تراب ناعم ينعم وفيه ارض ترابية تبقى صلدة وفوقيها حصى تعمل نفس التاثير

كده لو انا حكم فى استعراض سيارات وشوفت طلعة امريكانى من الثبات بسرعة الصاوخ قبلها العجل فرك ودخن وعفر مكانة لازم ادي الدرجة النهائية لكن زى ما قولت الاول الدفع الخلفى اسهل بكتير واجمل شكلاً لان فى الدفع الخلفى العجل الخلفى بس اللى بيتحرك والامامى بيكلبش العربيه ويتحكم فى اتجاه انطلاقها بحرية كاملة لانه مش عليه عزم

نفس الكلام اللى قولته ده كله بينطبق بشكل مختلف لكن متناسب على الدفع الخلفى والامامى فى الدريفت او التخميس
لكن برضو ممكن نخمس بالجر الامامى واسهل طريقة يبقى الواحد ماشى على سرعة 40 مثلا وياخد يمين او شمال مفاجىء مع رفع فرامل اليد

الحركتين التدريب عليهم محتاج مكان فاضى تماماً وزى ما قولنا ارضيه تسمح بدة والاتنين عايزين عربيات واطية او الجى فورس بتاعةها قليل او مركز الثقل اقرب للارض علشان التوازن يكون افضل واساسى طبعاً تكون حالة العفشه والكاوتش كويسة جداً على الاقل ان لم تجد ممتازة