17-11-2014, 07:35 PM
|
 |
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
|
|
تاريخ التسجيل: May 2008
الموقع: ام الدنيا مصر
المشاركات: 17,066
|
|
ملاحظات على قانون المرور الجديد
ملاحظات على قانون المرور الجديد
الواحد من ساعة ما وعى على الدنيا وهو بيسمع عن قوانين جديدة قوانين جديدة
والغريب ان كلها بتطلع زى اللى قبلها مجرد عقوبات وغرامات ومخالفات من صفاتها انها بتزيد دائما ومبتقلش وبس
عمرك سمعت عن قانون بيخفض غرامة او بيشيل مخالفة اكيد لاء 
طب عمرك سمعت عن قانون بيدى فلوس !!
يدفعلك تعويض مثلاً لو جرالك حاجة يلزم اى حد بمسئولية عن اى حاجة ؟؟
لاء برضو كلها قوانين بتاخد منك فلوس وتطبق عليك عقوبات وبس
طب بلاش دول عمرك سمعت عن قانون يديك الحق فى حاجة او الحرية فى حاجة ؟؟
ابداً كل القوانين بتتعمل لانتزاع حقوق وتجريم افعال او صفات
يعنى القوانين كلها قديمة وجديدة لا تخرج عن كونها تسعيرة جديدة لنفس القوانين اللى بتفرض غرامات وعقوبات عليك انت بس كقائد سيارة وبس 
انا بقى بحلم بقوانين مرور جديدة (بجد) قوانين تحدد حقوق وواجبات مسئوليات وحريات والتزمات على الجميع قائد السيارة ومشغل الطريق
سواء كان المسئول عن الطريق حكومة او شركة خاصة
سواء المسئول عن المزلقان موظف حكومة ولا جهاز الكترونى
لو حصل وبقى فيه قوانين تحاسب الكل
ولو حصل وبقى فيه قوانين هدفها الاصلاح المجتمعى مش بس لم الفلوس 
ولو بقى فيه قوانين تضمن الحريات زى ما بتمنع المخالفات
لو حصل واتحققت التلات شروط دول ساعتها بس هيبقى عندنا قانون مرور جديد وامل حقيقى فى حل لمشاكل المرور
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|