رد: تويوتا ياريس 2015
طيب واحد من المدرجات ممكن يسأل مميزات العربية اية
شوف حضرتك لو انت على اليمين يعنى هتشوف الأداء الرائع للموتور الجديد cc1500
ولو انت على الشمال اكيد اكيد هتلاحظ التسارع الممتاز للعربية مش هتصدق انها 1500 لا هتحس انها 1600 سى سى
طيب والتكييف ممتاز جدا ولا يؤثر على السحب يعنى مشاكل 1300 سى سى اتحلت ايوة الحمد لله العربية تم تعديلها ومش بس الشكل اتغير لا وأنظمة التعليق وحاجات كتير وفى انبهارات تانى كمان
شوف حضرتك الصالون الخلفى كبير جدا حل مشكلة عربيات اغلى من الياريس مش عارفة تحلها
طب شوف دى الشنطة ماله يا سيدى الشنطة الحمد لله ممكن تعدى على السوق وكمان الهايبر في نفس المشوار والشنطة هتكفى ان شاء الله
اهم حاجة تويوتا معروفة ان مفيهاش مشاكل في الفتيس الاوتو والحمد لله يعنى مش زى شركات تانية لا
يعنى انتا بتلمح على الالمانى مش عيب ولا والله يا ابن عمى بس عندى سؤال هما حلو مشكلة الفتيس dsg طب نغير الموضوع ماشى يا عم متزقش كده طيب شوف كمان الانبهار دة التابلوه تحفة فنية وعلى راى الكابتن لطيف العربية تابلوه جميل ههههههههههههه
|