المشاركة الأصلية كتبت بواسطة peter.123
استاذ ayman بجد تعليق حضرتك افادنى جدا بس انا لما شفت الbyd على النت لقيت ان نظام التعليق الخلقى من النوع الdependent المعتمد و ده حضرتك قولت انه مش كويس فايه الحل دلوقتى لانى الbyd عاجبانى خالص والحكاية دى مخليانى متردد.
|
عموماًحضرتك كنت بتفاضل بينها وبين الرينو 2015 ممكن تعمل مقارنة بينهم فى موضوع العفشه ايضاً وإكان عليا انا افضل البى واى دى حتى لو تعليق العفشه الخلفيه كده وده يبقى نصيبى كده لكن المهم اجيب العربية الدخله مزاجى واعتقد ان البى واى دى والرينو عاملين شغل ومبيعات جيده فى مصر منذ نزول الموديلات الجديده للرينو والبى وادى دى ,, معلش اتعب شويه واعمل سرش مكثف على السيارتين والمكتوب على الجبين لازم تشوفه العين ,او ليك نصيب فى البى وادى دى هتبقى هى ولو رينو هتبقى هى بس انا كمان افضل إن حضرتك تنزل وتعاين على الطبيعة يعنى تروح التوكيلين وتشوف العربيات على الطبيعة علشان تحسهم اكثر وتطلع بشكل مادى محسوس وتقلب فى العربيات براحتك -**وأخيراً لما تيجى للجد ونشترى ياريت تشترى من التوكيل مباشرتاً يعنى بلاش معارض لأن بيبقى فى عربيات زيرو ومخبوطه معمول فيها شغل وعمرك ماهتعرفه إلا باالصدفه بس بيبقى شىء بيحرق الدم وده اتعرض له ناس كتير فى المنتدى ,,كمان ممكن تروح لمعرض ويوهمك انه معتمد من التوكيل ويطلع موزع عادى يعنى بعد مابتشترى العربية بتنقطع صلته بيك وباالعربية لو فى اى مشكله ولدرء هذه المشاكل يبقى التعامل والشراء من التوكيل مباشرتاً وياريت تدفع وتستلم العربية فى نفس الوقت يعنى تسأل إن العربية واللون الخترته موجود وتمام تقوم تأجر نمرة تجارية من اى معرض سيارات ب100 او 150 جنيه وتاخد العربية لحد مكان إقامتك لحد ماتبدأ تنمر ونرخص ويبقى الف مبروك ليك وللعائلة الكريمة وربنا يديك خيرها ويحقظك من شرها وشر الطريق وعيون الحلوين المتربصين وهم اقرب الأقربين !!!!!! الف مبروك مقدماً,, وابقى تابع معانا علشان نطمئن عليك وربنا معاك