كان الأستاذ عبده البروف ركبه على عربيته و برضو مكنه 1200 عند صنايعى فى مدينة نصر,و طبعاً لازم تكون العربية معزوله كويس من الصالون و الأبواب و الأرضية, و الراجل بيشكر فيه, الله يبارك له فى عربيته و يمتعه بيها و يحفظها له.
و الأستاذ سيد عصام مشرف قسم الفيات كان عامل موضوع لصنايعى محترم فى المعادى بيركب تكييف ساندن يابانى لشاهين 1300 و الصنايعى بيركبه لأى عربية لحد مكنه 1100
بالنسبالى قولت أشوف فكرة التكييف اللى بيشتغل على الدينامو مش عالموتور, يعنى تكييف كهربا مش كباس, عبارة عن وحدة تكييف تركبها تحت درج الطابلوة او على الرف اللى تحت الدرج و توصلها مع الضفيرة أو عالولاعة (عالضفيرة أحسن طبعاً)
بس مش عارف أوصل للتكييف ده, موجود على النت شحن أجنبى بالدولار, بس لاقيت واحد حاطط إعلان و مركبه على شاهين معروضة للبيع فى حلوان, و سألت و لسه مفيش رد.
الخلاصة: التكييف العادى ينفع بس علشان يدى أداء كويس و ميهلكش الموتور محتاج تعزل الصالون كله عزل ممتاز - أو تركب تكييف كهربا بس لما نلاقيه فى مصرو ده أرخص و مالوش تأثير عالمكنه حتى لو ماروتى 800
فكرة تكييف قد تتطور...شارك برأيك - مصر موتورز مجتمع السيارات
تركيب تكيف ساندن يابانى للشاهين 1300 CC و تعليقى على ادائه و سعر خاص لاعضاء مصر موتورز - مصر موتورز مجتمع السيارات