[kj1]

واحد نزل حرق البلد، وسبب خراب مهول لاقتصادها، عشان كان عايز عدالة إجتماعية، ومفيش علي لسانه غير الفقرا، والحد الأدني والحد الأقصي للأجور.
وبعد ٤ سنين، جت الحكومة أخدت أول إجراء فعلي لتحقيق أهدافه، فكان أول قرارتها، إنها عملت حد أقصي للأجور.. وبعدين خفضت الدعم - اللي مش رايح للفقرا - فكانت النتيجة إنها وفرت ٥١ مليار جنية.
ولمزيد من الشفافية طلعت الحكومة أعلنت له إزاي هتصرف الـ ٥١ مليار جنيه دول. قالت له هنصرفهم كالتالي :
٢٢ مليار هيروحوا لدعم ملف الصحة والتعليم، بتاع الفقرا.
١٠ مليار هيروحوا لتحقيق مطلبقك بتاع الحد الأدني للأجور.
١٢ مليار هيروحوا للمعاشات، عشان الناس تضمن حياة كريمة.
٥،٧ مليار هيروحوا للضمان الإجتماعي، عشان العدالة الإجتماعية.
والكسور الباقية علي خدمات الفقرا.
زعل، وأتقمص، وقالها لأ مليش دعوة، أنا عايز الـ ١٦ جنية اللي كنت باخدهم منك كل يوم مصروف عربيتي، وملعون أبو الفقرا.
قصة قصيرة من مذكرات شمام كُلّة !!