يا جماعة أنا معايا العربية من سنة و كنت شاريها عاملة 31 الف كيلو موديل 2011 و قبل ما اشتريها سمعت كلام كتير عن الصينى من ناس مش عارفة حتى شكل العربية.
وحتى الان الحمدلله العربية فوق الممتازة مافيش أى مشاكل و استهلاكها فى البنزين تمام و عفشتها كويسة و سحبها مش بطال و لو عايزها تجرى لازم تشبع الغيار RPM بين 3 و 4
و طبعاً مش محتاج اتكلم عن مميزات العربية لأن كل التيجاوية عارفينها و أصحابى ابتدوا يشتروا الصينى لما شافوا نجاح التجربة و كانوا مستنيين النتيجة.
بس فعلاً التيجو عربية تستحق الاحترام