[kj1]

المشاركة الأصلية كتبت بواسطة nktis و تشوف منظر الشاب السلفي من دول وهو بيلزق ورقة ( هل صليت على النبي اليوم ) بمنتهى الحماس والعزيمة و تبص في عنيه تحس بقمة التحفز ، و إياك إياك حد يقرب من الورقه دي .. كله إلا الورقه اللي مكتوب فيها اسم سيدنا النبي يا كفرة يا ولاد الحرام ( هو بس مافكرش ولا بيفكر ولا هيفكر ليه الورقه دي في التوقيت ده تحديدا وليه مكانوش بينشروها قبل كده ؟ ) .. حماس وعزيمة و عقل في الفريزر من سنين ، بيفكروني باللي قتل فرج فوده و هو حاسس إنه بيجاهد وحور العين مستنياه على نار ، وقال أصله كافر و كتاباته مليانة كفر بس أنا مابعرفش اقرا واكتب سعادتك . شباب السلفيين هما باختصار مجرد ركايب عند الإخوان ، الواحد منهم ركوبة معتبرة مش أي كلام ، بس شوية ركايب لوز اللوووووووووز بصراحة .. تحمّل على ضهر الواحد فيهم أحلى نقلة ( سباخ ) و هيوصلها للمكان اللي هتقوله عليه من غير أي تفكير ولا تردد ، بس أهم حاجه أهم حاجه تعلّق في صدره حجاب مبروك من بتاع سيدنا الولي أبو خطوة و اركب وسوق يا معلم .