رد: مخطط تصفيه الثوره ,,
منقول
رسالة من مصرى مغترب Ayman El Sayed Khalifa
السلام عليكم يا اهل بلدى الغاليين الطيبين ياللى عانتوا و شقيتوا سنين
احنا نزلنا هنا فى الغربة رافعين علم بلدنا و روحنا السفارة المصرية مش علشان السيسى او حمدين او غيره , احنا ناس اتغربت و عرفت معانى كتير يمكن تكون غايبة عنكم يا اهلنا فى مصر , نزلنا مش عشان اشخاص لاننا عارفين ان الحل مش فى الاشخاص , الحل فينا احنا , احنا المصريين نفسنا , نزلنا نقول ...للى بيأمروا علينا مش السيسى و لا الجيش و لا الشرطة و لا الرئيس اللى هيتصدى لمؤامرتكم على بلدنا , لأ , احنا اللى هنقف و نقول كلمتنا بعد ما سكتنا سنين و افتكرتونا شعب مات , نزلنا عشان نقولكم اننا شعب حى و صاحى و لسة موجود , نزلنا لأن الجمال و النظام و الفلوس الكتير اللى شوفناها فى الغربة مقدرش ينسينا مصر , و الوطن اللى يتغلب حبه على كل المغريات دى يستاهل نفديه بأرواحنا و نتعب عشانه ,
كنا واقفين طوابير رافعين علم ام الدنيا و شايفين نظرات الانبهار و الاعجاب و الذهول على وجوه الجنسيات الاخرى , مش مصدقين ان فيه شعب بيعشق بلده زى الشعب المصرى .
احنا هنا فينا اللى اخد اجازة و اللى زوغ من شغله و اللى وقف 3 ساعات على رجله و ده صعب يحصل فى الغربة لكن كلنا استحملنا و كانت كلمتنا واحدة و لأول مرة اشوف الوعى الجماعى حاضر فى ناس بقالها اكتر من عشرين سنة بعيد عن بلدها .
احنا بنقول لأهلنا فى مصر , احنا علمنا كل اللى قدرنا عليه و شفنا انه يحميكم و يحمى بلادنا مصر , عشمنا فيكم كبير بجد , عشمنا فيكم مالوش حد , عشمنا فيكم زى ما رفعنا راسكم فى الداخل ترفعوا راسنا احنا فى غربتنا , و تعيدونا مجد و فخر مشاهد ثورة 30 يونيه العظيمة اللى خلتنا نفخر اننا مصريين بين كل الجنسيات
الهمة يا ولاد بلدى , الهمة يا اهالينا فى مصر
ربنا ينصركم و يحميكم و دايما و ابدا تحيا مصر
__________________
من مواضيع kj1 التاريخ الأسود لجماعة الأرهاب الأسود ليه لا وليس نعم مصر الجميلة الغائبة الأن
|