[احمد كاسبرسكى]

عربيتى فيات 128
شريها على عيبها ان الموتور خفيف فقولت اعملها عمرة محترمة واصرف عليها
وفعلا عملت عمره كاملة ( طقم صبابات-طقم شنبر -خرط وش سلندر-خرط عامود الكرنك-اسطوانة وديسك-مارش شاهين المانى-دينمو شاهيين المانى-جوانيين وش سلندر -وكام حاجة كدة مش فاكر اسميها)
والحمد لله استلمت العربية ولينتها تحت البيت وحرقت 3 صفايح بنزين وهى واقفة
المشكلة ان سحب العربية اصبح ضعيف . رجعت للمكانيكى قالى العربية لسة بتلين وبطبع على بعض واشتغلات كتير كدة وربطلى تانى على وش السلندر. وبعد ممشيت بيها حوالى 6000 كيلو ظهر تسريب زيت من جوان وش السلندر على فارغة الموتور من الخلف فذهبت لميكانيكى اخر قالى الجوان عايز يتغير وبالفعل اشتريت جوانين اخرين وركبهم وبعد فترة مشيت بالعربة حوالى 4000 كيلو تسريب الذيت رجع تانى وسحب العربية ماذال ضعيف منذ العمرة بعد المشى دا كلة