[أنصار السنة]

اخواني اعضاء وخبراء موقع مصر موتورز الكرام
السلام عليكم ورحمة الله وبركاته
اريد ان استشير اخواني هنا استشارة لوجة الله
في الحقيقة لازم اعترف الاول اني اتسكيت في مرتين سابقتين في شراء عربيتين واحدة رينو كليو وواحدة دايو لانوس والاثنين شربتهم بعد اقل من شهرين من شراء كل واحده فيهم رغم اني اخدت بالاسباب واخدت معي اللي بيفهم واخدت المكانيكي

المهم دلوقتي انا امامي عربية لانسر بومة 2008 مانيول بتاعت زميل لي تقريبا مبيركبهاش لضعف بصره وعدم قدرته علي القيادة الجيدة فتقريبا راكنها مشبيركبها الا لو حد قريبه معه
ومرة جالي زيارة البيت وركنها امام محل جنب بيتي فصحاب المحل قاله اركنها بعيد شوية فطلبت من زميلي انه يجي يركنها في مكان ما فقالي انا مش هعرف اركنها والف وارجع وكدا فطلب مني اني اركنها انا

المهم هو عايز يبيع العربية لموضوع كدا هو عايز يعمله:

العربية موديل 2008 مانول فبريكة جوة ميه في المية ، من بره " هو كان شريها من سنه راح رش الحزام اللي بيبقي فيه الخرابيش يبقي من بره متحزمة بس
العربية لا نخبطتت ولا اتحكت اطلاقا
فيها رخصة سنتين
الزجاج كله كهرباء
المرايات كهرباء
فيها سنتر لوك
فيها مفتاح اصلي بالروموت واخر من غير الروموت
بفرشها الاصلي ، وهو كمان الصراحة فرشها فرش فوق الاصلي على الجودة جدا
الكاست الاصلي بتاع العرية فيها
بها طارات حديد بالطاسات وليست جنوط سبور
الصراحة معرفش حالة البطارية ولا حالة الكوتشات بس انا لما دوت العربية دارت معي بمنتهي النعومة والسرعة
الفتيس بتعها ناعم لابعد الحدود
العربية ماشية 130 الف كم
العربية 1600 سي سي
والتكيف شغال

حضرتكم بقي عربية بالوضع دا ولو عصرت زميلي تعمل كم ؟
بس مع العلم ان مفيش حاجة اسمها صاحبي وزميلي في البيع والشراء
ادني سعر ممكن اشتري به العربية دي بالوضع دا كام؟


وجزاكم الله خيرا