ان شاء الله انا هاكتب اللى انا بعمله خطوه بخطوه علشان الكل يستفيد ان شاء الله
امبارح روحت الزقازيق عملت مطابقه بصمه طبعا الشاسيه طلع مظبوط والموتور لأ (لأنى غيرت الموتور وورقه فى المرور بتاعى)
بعد كده جيت اعمل شهاده بيانات قاللى ادفع سنه ضريبه قولتله طب انا عايز ارخص اكتر من سنه قاللى ابقى كمل فى المرور بتاعك المهم دفعت سنه ضريبه وعملت شهاده البيانات
نيجى بقى للخاتمة اللى مش كويسه
روحت اجيب المخالفات وانا متأكد تماما انى معنديش مخالفات لقيت عندى مخالفات 1000 جنيه
طبعا ولا المخالفه عملتها (سير عكس الاتجاه) ولا المكان روحته اصلا عشان اعمل فيه مخالفه
ماعلينا ... عملت تظلم نزلوها ل 505 دفعت وامرى لله ... وحسبنا الله ونعم الوكيل
طبعا فى شويه اجراءات خزعبليه كده عشان اخلص الحاجات اللى فاتت دى مالهاش اى ستين لازمه بس الحمد لله اهى خلصت
النهارده بقى روحت مرور شبرا الخيمه (مشوار منيل بستين نيله ومشوار الزقازيق كان ارحم منه 100 مره) ختمت الاستعلام الامنى (الختم بيكون على ورقه الفحص مش على الجواب)
والمفروض لحد كده انا معايا الاتى:
1- عقد بيع مسجل
2- شهاده بيانات
3- فاتورة شراء الموتور والافراج الجمركى بتاعه ورقم الصادر
4- مطابقه البصمه
5- شهاده المخالفات (حسبنا الله ونعم الوكيل
)
يوم السبت ان شاء الله المفروض انى اروح المرور بتاعى ادفع باقى الضريبه والتأمين واكمل فحص .... الخ وان شاء الله هاقولكم على اللى تم بالظبط بس ادعولى لأنى خلاااااااص والله كل يوم ارجع حيلى مهدود من المشاوير دى مش عارف اومال لو الواحد بيرخص طياره كانوا عملوا معاه ايه؟