رد: اعمل ايه؟ لاثبات الموتور الجديد فى الرخصة
السلام عليكم
انا اخوك محمد مرسي
كويس اوى ان الفاتورة طالعة باسمك وعلى مرورك
كدة حضرتك لو عدى شهر من تاريخ شراء الموتور
هاتروح مرور الدراسة وتشوف اصل الافراج وصل ولا لسة
لو وصل يبقى خير وبركة تاخدة معاك وتروح المرور بتاعك
ومعاك اصل الافراج وعقد البيع المسجل والرخصة (التصريح )
وصور من كل حاجة
تدفع التامين الاجبارى
وترفع بصمة شاسية وموتور
وتختم شهادة صلاحية الطفاية
ومهندس الفحص يكتبلك جواب ( على ضهر نموذج الفحص) بمطابقة البصمة
تروح الزقازيق تعمل مطابقة البصمة
تعمل استعلام امنى
تجيب شهادة المخالفات
تجيب شهادة بيانات موجهه للمرور اللى حضرتك تابع لية
وترجع مرورك
تروح لمهندس الفحص يختم نموذج الفحص
تدفع الضريبة
وتستلم الرخصة او بالاصح تصريح بـ 3 شهور
__________________
يااااااااااااا رب
إرحمنا بقدرتك علينا
|