[zing0]

حضرتك انا بجد حسيت اني واحد من اعضاء مصر موتورز وبجد اكتر شي عجبني ف المنتدي ان بجد حسيت انهم اخوات مش مجرد تواصل اجتماعي بس عن طريق النت والروح الجميله دي لازم الواحد يقول كل ما يمكله من خبرة عشان يحس انه واحد منكم بجد والتمسوا اعتذراي لو في الايام الجايه اثرت لاني منتظر مولود خلال يوم او اثنين حسب ما الدكتور يقول وعلي فكرة هيبقي ابن سبعه ربنا ستر ويكمل ويبقي ابن 9 عشان كده بتمني تعذروني لو يوم او اتنين لو قصرت وانشاء الله مش هقصر واحب اشكر جدا استاذ وائل ابو نورا لانه بجد شخص في قمه الادب والاخلاق والاحترام ولما تكلمه تحس بجد انه اخوك مش مجرد اداري في منتدي انت عشقته اسف اني طولت حبيت افضفض مع اخواتي

ربنا يفرحك بإبنك و تشوفه راجل أطول منك
كنت عاوز أقولك كده عالخاص بعد ما ضحكتنى حتى البكاء, بس خليها عالعام مش سر يعنى
أنا قولتلك مشترك هنا و فى منتديات كتير للسيارات, بس بجد هنا شكل تانى
الجو الأسرى و الناس بتحبك من غير متشوفك
الإدارة و المشرفين زى العسل, و أول مرة أشوف موقع مش مانع الإعلان التجارى فى مواضيع عاديه (مجاناً) بشرط الصدق فى التعامل و جودة الصنعة و السعر طبعاً.
ناس ليها هدف تبقى رقم 1 فى العالم, و ما شاء الله, ثقة شركات السيارات و التوكيلات المعتمده بتزيد فيهم يوم عن يوم.
- ده فعلاً شعورى لما بأفتح النت و أروح مختار new Tab علشان أدخل على المنتدى من الـ Bookmarks قبل حتى ما صفحة جوجل تحّمل.

ربنا يوسع رزقك يا عم طارق, و تفرح بإبنك و يكرمك فيه و يعينك على تربيته و يحفظهولك.
آمين