كلام جميل جدا وعقلاني ماشاء الله
لكن عايز أقول حاجة
وهي إنه لله حكم شرعي من خمسة في كل شيئ
الأحكام الخمسة هي ( الواجب - المستحب - المباح - المكروه - الحرام)
طيب هل الأعياد دين ولا مناسبات عادية ممكن نخضعها لضوابط مجتمعنا ودينا وثقافتنا زي المقال ما بيقول ؟
لأ الأعياد دين.
طيب إيه الدليل
الدليل هو حديث للنبي صلى الله عليه وسلم لما رأى ناس بتلعب في يوم في المدينة فسأل عن السبب قالو له هذه أيام كنا نلعب فيها في الجاهلية
فقال النبي صلى الله عليه وسلم ناهيا لهم " قد أبدلكم الله بيومين - الفطر والأضحى" أو كما قال صلى الله عليه وسلم
معنى كلامي إنه الأعياد شرع من الله وبالتالي لم يشرع الله للمسلمين عيد الفلانتين ولذلك مينفعش نحتفل بيه حتى ولو أخضعناه لتقاليدنا.
يبقى عيد الفلانتين واخد من الخمسة أحكام الحكم بالحرمانية
طيب الحكم دا نازل على مين ؟ على المسلمين طبعا
يبقى لما دعاة الدين (اللي مش كلهم متطرفين ولا كلهم على منهج بن لادن طبعا) يقولو انه حرام يبقى حرام للمسلمين
لكن الغرب يحتفل بيه ما يحتفل هو فيه بعد الكفر ذنب ؟؟؟
معلش كلامي كان كتيييير وممكن يكون مش مرتب لكني أتمنى إن المعنى يكون وصل.
والله أعلم
التعديل الأخير تم بواسطة Dantes010 ; 04-11-2009 الساعة 09:45 PM
|