[silverlite]

السادة أمثال عيلاء صادق ومذيعين الجزيرة والمتحدثين فيها من هؤلاء الذين مازالوا للأسف يحملون الجنسية المصرية وأمثالهم وأشباههم وأتباعهم ومستنسخاتهم وبابا غنوجهم.. حاتجيبوا وطن تانى منين يا أغبيا؟؟؟؟؟؟؟.. حاتجيبوا مصر تانية منين؟؟؟؟.. حاتجيبوا نيل تانى وهرم وتاريخ وأصالة منين؟؟.. حاتكملوا باقى حياتكوا بأى وش وأى جنسية وأى انتماء؟؟.. حتى لو تم منحكم الجنسية القطرية رحمة بكم من الظهور فى شوارع مصر، حيث ممكن يتعمل معاكوا أحلى واجب.. صحيح دويلة قطر كويسة وزوأنططة وكدهوت وفيها شوية بترول وحبة شوارع وشوية لحمة مستوردة وحاجات يا دوبك تقضى العيشة.. وهى حاجات تخص القطريين ما تخصوكوش.. إنتوا مجرد كائنات طفيلية عايشة على قفاهم وقانيينكم لأهداف سياسية مش حبا فى مناظركوا يعنى.. مجرد أدوات رخيصة زى سلاكات البلاليع التايوانى كده.. سريعو الاستهلاك وعرضة لتدوير الفضلات.. أول ما يخلص سبب استيعابكم حايتولع فيكم بجاز البترول ده.. حاتجيبوا عزة نفس قدامهم منين؟؟.. حاتحطوا كرامتكم فى أنهى فريزر؟؟.. لو اتلطش النفر منكم بالقلم على خلقته حايقدر يرفع عينه فى اللى هانه ومرمط بكرامته الأرض؟؟.. لو بعد قليل بانت لبة مهاراتكوا اللى على قد حال الحال وتم تفنيشكم من وظايفكم.. حاتلجأوا لمين؟؟.. حاتاكلوا منين؟؟.. حاتتحطوا على جداول الإعانة؟؟.. لو تغير توجه قطر بعد الانقلاب اللى جاى عندهم.. ماهم بينقلبوا على باباهاتهم كل كام سنة.. وشعرت قطر أنها أصبحت خارج المنظومة العربية التى ستتوحد تباعا بفعل المنطق والمصالح والاستثمارات التى ستتمركز خارجها حايبقى وضعكم إيه؟؟.. ولو حصل تكتل عربى أخضع بلد زى أمريكا اللى إنتوا لازقين فى نعل جزمتها زى اللبانة لأن تنسى أو تتناسى مخططها القديم وسلمت للقوة الجديدة التى ستتكون من توحد العرب وخلعت من قطر حايبقى إيه الوضع معاكوا؟؟.. حايستضيفوكوا برضه ولّا بأول بوز جزمة فى مؤخراتكم وانطر بره البلد؟؟.. ولّا حايخبطوا علينا ويقولولنا العيال دى لقيناهم لاجئين على باب الجامع.. حا تاخدوهم ولّا نتبرع بأعضائهم للصليب الأحمر؟؟.. فوقوا يا أغبيا.. لسه فيه فرصة ترجعوا بلدكوا الحضانة الحانية اللى بتلم عيالها مهما زروطوها بقرفهم.. لكن الفرصة محدودة جدا.. والوقت بيجرى.. المستقبل بدأ فى مصر.. والشعب حاضن بعضه.. لسه فيه دخنوق صغير تنفدوا منه وتخشوا جوه الحضن.. إلحقوا نفسكوا جاتكوا داهية ف غباوتكوا..



من مقال لاسعاد يونس