رد: التحايل "الاخوانى"!!
واسطة Nashwa Enjy Youssef Elenany
الناس اللى شاركت فى ثورة يناير "من غير ماتتخابر مع حد ولاتقبض من حد " .. الناس اللى شاركت فى 30يونيو :
قاوموا إرهاب الثوار .. أيوة إرهاب الثوار مش إرهاب الإخوان
لما بيقولولك "شعارات ثورة يناير" عشان تنزل معاهم
واجههم بفيديو "أحمد منصور" لما نصح الإخوان بخداع الثوار بشعارات الثورة عشان ينزلوا معاهم ضد الجيش
لما يقولك دولة مبارك
قول له لما تبقى ترجع حابقى أنزل لكن السيسى رافض انه يرجعها ورفض مقابلة رموز مبارك
لما ينزل عليك بالأسطوانة المشروخة بتاعة "حق الشهداء"
قول له على فكرة والدة محمد الجندى ووالدة خالد سعيد معانا شوف لك أسطوانة غيرها
لما يقولولك "مكمليييييين"
تأكد إنهم معذورين فى شوية دم وقتلى ومصابين وانت الضحية الحمقاء الشجاع اللى أدامهم اللى محتاجين يتاجروا بدمه إعلاميا عشان يرجعوا الحكم للإخوان
لما يقولولك "ضد العسكر" و"الداخلية بلطجية"
قول لهم: لولا جيشكم دة كان زمان جمال مبارك بيحكمنا .. كان زمان الإخوان معلقيننا كالذبيحة على باب زويلة" .. واجهه بمواقفه المتناقضة لما شهداء الجيش بيموتوا وبيعمل من بنها .. إنما لو القتيل كان بنار الجيش أو الداخلية بيولول عليه - فكره ان الشرطة خدت قرارها أيام مرسى بحماية المتظاهرين وانحازت للشعب ورفضت النظام
لما يقولولك نسيت كشف العذرية وشهداء ماسبيرو؟
قول له انت اللى نسيت شهداء الإتحادية وموقعة الجمل اللى قتلهم الإخوان وماشى تنقى الشهداء اللى على مزاجك .. وكفاية اننا بملاحظة بسيطة نلاقى ان "سميرة ابراهيم" وقتها كانت اللى بيلمعها وبيتاجر بقضيتها لتشويه الجيش هى "قناة الجزيرة" .. أما بقى شهداء ماسبيرو فافتح فيديو الكاتدرائية واسمع تصفيق المسيحيون للسيسى عشان تعرف انك بتتكلم عن أوهام معششة فى دماغك
فكر أخونا "الثائر" إن أكتر ناس دفعت تمن ثوراتنا وبيموتوا زى الفراخ بحالات قتل جماعى هما جنود الجيش والشرطة ،
ابقى قول لهم زى ماغفرت للإخوان خياناتهم فى حق الأرض والعرض ونازل تلبى الندا فى 25يناير .. جرب تغفر للجندى اللى اشترى روحك بروحه وافتكر انك وقت لما بتشتمه وبتتمناله الموت بيكون هو واقف يأمنك بحياته ضد الإرهاب اللى انت متعاطف معاه وبتأيده
وقول له لما تنزل تلبى نداء مخابرات أعداء مصر ورموز الخيانة داخل مصر ضد جيش وشرطة بلدك ماتبقاش ثائر ولا يحزنون .. دة انت تبقى ابن كللللب
__________________
|