[Dr.Rehab]

المشاركة الأصلية كتبت بواسطة myson medo بعد ما دماغى باظت جدا وتعبت من كتير الاختيار وطبعا اللى متابعنى هيعرف انى كنت حجزت الصنى الجديدة 2013 ولقتها مقلب وفيها مشاكل ولغيت الحجز دلوقتى بقول لوجان او سانديرو بس قلت سانديرو اشيك وخصوصا انى مش هفكر فى البيع ان شاء الله كان نفسى فى حاجة فيها اوبشن زيادة شوية زى اى بى اس وتوزيع فرامل ووسائد بس خلاص كد الموضوع هيعدى ال100 وانا مش معايا فوق ال100 قلت خلاص اتوكل على الله واجيب سانديرو 2013 عاوزة حد عنده العربية دى او شافها يكلمنى عنها وقولولى الاختيار كده صح ولا غلط منتظراكم وشكرا ليكم

وصلتي لإيه يا أ.ميسون ؟

انا بردو بافكر اجيب سنديرو اوتوماتيك فول اوبشن .. حاسه ان سعرها معقول و حجمها كويس ومش ضيقه وفيها فتيس بيتغير من اوتو لمانيوال في وقت الضروره ..

انا بس مش عاجبنى ان مافيهاش Eps ولا طاره مالتي فانكشن .. والازاز اللى ورا مش كهربا .. والمفاتيح بتاعت الازاز في النص (بس قالولى ممكن تتنقل في الباب عند التوكيل )..

هي عامله دلوقتى 97 تقريبا عند الطارق .. بس انا مش عارفه هل ممكن اجيب حاجه فيها 4 ازاز و طاره مالتي و Eps وبنفس السعر ونفس كفاءة الموتور والا لأ ؟! خصوصا انى مش عايزه السعر يزيد عن كده ابداً .

ياريت تقوليلي وصلتى لإيه و ايه رأيك ؟ اتوكل على الله فيها والا فيه اختيارات اخرى ممكن افكر فيها ؟