[جومانا]

المشاركة الأصلية كتبت بواسطة ezzat2002mo السلام عليكم حضرتك انا معايا صنى 2008 اي اكس مانوال جايبها عاملة 100 الف كم وبصراحة كان عندى نفس المشكلة كنت حابب اللوجان ايام لما كانت الكاملة ب71 الف لكن لما غليت بغباء لقيتها ماتستاهل وبعد لما جبت النيسان اتاكدت من حسن اختيارى والحمد لله للاسباب دى - اولا الشكل النيسان شكلها مودرن وشيك جدا والواحد لية هيبة فيها بصراحة احنا شعب بتاع مناظر - السعر فى المستعمل كويس وعند اعادة البيع الخسارة مش موجودة باذن الله او قليلة جدا انما اللوجان سعر اعادة البيع زبالة وبيعها تقيل جدا انا فى الاسماعيلية وكانوا بيدللواعليها -قطع الغيار متوافرة ورخيصة انا اول ما جبتها جبت فلتر هواء كورى ب65 ولقيت الماليزى ب40 وجبت بوجيهات ب60 جم واتكسر الكشاف اللى ورا لقيته كامل ب250 جم قمت جبت وش بس ب60 جم وفية منه مصرى ب40 جم -صيانتها سهلة ومش معقدة وقطع غيارها موجودة -مطلوبة ومنتشرة فى مصر كلها ومحبوبة -فكرة استهلاك البنزين علشان الحجم خاطئة انا غيرت بوجيهات وفلتر هواء بقت تحفة وزيها زى اى عربية 1600 سى سى - واسعة من جوة وشنطتها تقريبا زى اللوجان -ناعمة جدا وصوت الموتور مش عالى طبيعى جدا وساعات وهية شغالة وواقف بيها بحس ان الموتور بطل - ماشاء الله من ناس كتير اثبتت انها بتستحمل الماوير الكتير والبهدلة -بس المهم تجيبى عربية وتكونى متاكدة من ان عدادها مش عالى علشان متصرفيش عليها كتير من الاول يعنى بالكتير تكون عاملة 100 الف ولو عاوزة تريحى دماغك تجيبى واحدة موديل اقدم شوية ويكون عدادها قليل وتنسيها كانها زيرو بالضبط دة رايي وربنا يوفقك للخير والمهم صلى استخارة وتوكلى على الله

شكرا على رايك و انا نفسي الاقي قديم استعمال خفيف بس كله عداد عالي و انا خايفة من مشاكل القديم
ممكن ادور اكتر والله المستعان

المشاركة الأصلية كتبت بواسطة AMMI انا شايف الزيرو افضل ليكى الا لو المستعمل هتجبيه من حد معرفه وعارفه تاريخ العربيه. فالافضل ليكى الزيرو علشان متعطليش بالعربيه واللوجان بقالها كذا سنه فى السوق ومنتشره ممكن لو تقدرى تدفعى 85 مقدمه وتجيبى صنى زيرو والباقى قسط يبقى كويس

انا اصلا هدفع ال 85 الف قسط فلو عليت للصني الجديدة هيبقى القسط عالى عليا للاسف
بس انا قلقانة كم الاعطال زي ما انت بتقول