انا بشكر حضرتك على المتابعة و الاهتمام ... و بشكر كمان كل من تابع مشكلة الكاربراتير
قررت انى اروح لميكانيكى علشان يجد حل للمشكلة المزمنة دى .... و انا كان نفسى اقابل الاسطى حمدى المخترع
رحتله الورشة ... و الراجل كشف على الكاربراتير و خرطوم سيرفو الفرامل و ظبط الاسبراتير
و وجد الكاربراتير كويس جدا ..... الغريب ان العربية ما شرقتش من اول ما اتحركت من البيت لغاية ما وصلت للورشة !!!! و كان تعليق الاسطى حمدى ان ممكن يكون فيه تراب او وساخة من التانك كانت مخلية ابرة الكاربراتير تعلق و متقفلش كويس
الاسطى حمدى انسان محترم جدا و تتفرج عليه و هو شغال تستفيد منه .... ربنا يباركله
و اتشرفت بمقابلة الاستاذ هشام الجزار .... انسان محترم جدا و لم يبخل عليا بالمعلومة و لا بالمساعدة
الان الاسطى حمدى بيفك الموتور علشان بنعمل طقم شنبر ... لما يخلص حنعمل موضوع منفصل ان شاء الله
و دى صورة الاسطى حمدى و هو بيفك وش السلندر
