المشاركة الأصلية كتبت بواسطة Dr.Rehab
ايواااا انا عايزه اعرف بأه موضوع ال abs و ebd .. ايه وظيفتهم بالظبط ؟ وعدم وجودهم ايه تأثيره ؟ هتفرق كتير ؟
وكمان البيكانتو مافيهاش عجلة قياده متعدده الاغراض .. انما موجوده في السلاريو
بالنسبه لتعرض العربيه ان عيال يسندو عليها فهي هتتعرض لده طبعاً خصوصاً لما اركنها جوه الكليه مثلاً
مش قادره اخد قرار .. كل واحده فيهم ناقصها حاجه زايده فى التانيه .. انا تعبت بجد
|
ABS بيخلى الفرامل متتزحلقش و يحافظ على قدرة التحكم فى العربية اثناء استخدام الفرامل العنيف الفجائى
يفرق ايه عن العربية اللى مفيهاش ؟ ............... انا باللانوس اللى مفيهاش فجأة تاكسى حدف عليا فرملت جامد العربية اتزحلقت ........... لا منها وقفت و لا هديت حتى .......... و لا منها عرفت احود مع انى كنت لفيت الدركسيون ............ و لبست فى التاكس
ال EBD بيوزع قوة الفرامل الكترونيا على الاربع عجلات حسب ظروف الطريق لضمان خروج العربية عن السيطرة
القرار حيكتمل لما تشوفى العربيات على الحقيقة و الاسعار
ال i10 2014 الشكل دا لسة منزلش مصر و لو نزل سعره حيعدى الحالى و يبقى زيى البيكانتو او اغلى