رد: خدعة يصدقها الكثيرون و يرددونها حتى الآن . .
اخوتى الكرام مع انى كنت اخدت قرار بعدم الكلام فى السياسة لكن طالما الحوار راقى ومهذب يبقى مفيش مشكلة . اخوتى المشكلة ليست فى الاعداد ( مع العلم ان الاعداد التى نزلت ايام 25 يناير كانت اكثر بكتير جدا جدا من اللى نزلت ساعة الانقلاب ). المشكلة هى ان فى ناس الى الان وبعد كل ما راوه من قتل للابرياء والعزل وانتهاك لحرمات البيوت وحبس للقاصرات والقصر ومن اعتقال لكل من يخالف الانقلاب ومن اقتحام لحرم الجامعات والمساجد بل الادهى من ذلك ان يتم اعتقالك لانك ترفع اشارة رابعة او طفلك فى المدرسة لدية كراسة عليها علامة رابعة او انك تعلق فى نافذة منزلك اشارة رابعة او لافتة ضد الانقلاب او فى سايرتك بل الادهى من ذلك ان مثل هؤلاء الاشخاص (مؤيدو الانقلاب العسكرى) مازالوا مغيبين الى الان ومصدقين ان الانقلاب شعبى وليس عسكرى بعد ان وضحت الاكاذيب التى كانو يكذبونها عليهم (الاعلاميين ) ايام حكم مرسى مثل سد النهضة ومش هنلاقى مياه فى مصر ومرسى بيتفرج وبعد ما انقلبوا عليه تلاقيهم بيقولو ان مصر مستعدة للمشاركة فى بناء سد النهضة وانه سيدر الخير على مصر . وزى ما كانو بيقول ان مرسى باع حلايب وشلاتين للسودان ولغاية دلوقتى لسه حلايب وشلاتين تابعة لحدود مصر . وزى ما قالوا ان مرسى باع قناة السويس لقطر وزى ما باعلهم الاهرامات . وزى ازمة البنزين والسولار والكهرباء والتى وضع انها كانت مفتعلة ايام مرسى والانابيب. وزى ماقالو ان اعتصام رابعة والنهضة بيحتوى على اسلحة ثقيلة ومضادات للطائرات وغيره وبعد فض الاعتصام الدموى يطلعو يقولو لقينا بندقيتين ونبلة وشوية بلى وبرضه الناس مصدقه . وزى ما قالو ان كان قى جثث مدفونة تحت منصة رابعة بقالها 25 يوم وبعد فض الاعتصام الطب الشرعى بيثبت ان كل الجثث هناك حديثة الوفاة . وغيره وغيره وغيره ممكن نكتب لغاية بكره الصبح ومش هنخلص الاكاذيب . ياخى استعجب كيف يصدق هؤلاء الناس الانقلابيون وامامهم كل هذه الحقائق الواضحة وضوح الشمس ومازالوا بيقولو انه انقلاب شعبى . وانا ساتكلم بمنطقهم وحتى لو كان هذا انقلاب شعبى فلم كل هذا القتل لارواح الابرياء والعزل ولم كل هذه الاعتقالات للمعارضة ولم كل هذا الحبس للفتيات وللشباب الجامعيين بل وفى كل مراحل التعليم . وقالو ان مرسى كسب بالزيت والسكر طب ماهما بيوزعو دلوقتى زيت وسكر برضه بس محدش بيتكلم ليه كانت كل الالسنة بتتكلم ايام حكم مرسى ودلوقتى كل الالسنة اخرصت . ليه ايام مرسى كانت اى غلطة الاعلام بيقعد يولول عليها ودلوقتى مفيش وولا كانه شايف حاجة . ليه وليه وليه ليه افضل وزير فى حكومة مرسى وهو باسم عودة تعمدو التشهير به بعد الانقلاب وقالو انهم استوردو كميات كبيرة جدا جدا من القمح علشان باسم عودة كان سايب البلد من غير قمح وكذا وكذا وكذا مع ان الناس كلها شافت طوابير التريللات وهى محملة بالقمح وواقفة امام الصوامع لتشوين القمح وان باسم عودة رفع سعر توريد القمح من الفلاح للوزارة عشان يعادل السعر العالمى وشجع المزارعين على زراعته بدل ما نستورده من بره ويبقى مسرطن وغير صالح للاستهلاك الادمى . ليه دستور 2012 كانت كل جلساته معلنة وامام الناس انما دستور 2013 كل جلساته سرية . ليه دستور 2012 الناس كلها عرفته قبل ما تقول نعم او لا انما دستور 2013 بيقولو للناس قولو نعم حتى من قبل ما تعرفه . هو ده اللى احنا المفروض نتكلم فيه تغييب الناس عن الحقائق والواقع وكله بسبب الاعلام الفاسد . وانا متاكد ان فى ناس كتير بعد ما تقرا كل الكلام ده هتطلع تقولى انى اخوانى .( مع انى والله مش اخوانى ولو ان الاخونة مش شبهة يعنى ). وبرضه متاكد انى هيطلع حد ويقول ( بس برضه الاخوان خربوا البلد ). ههههههههههههههههههههههههه ههههههههههههههههههههههههه هههههههه كل واحد يقول اللى عاوز يقوله بس اهم حاجة الاحترام فى الكلام والتعبير عن الراى . وشكرا
|