رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
" انا عربيتى كيا اسبكترا 2004 اتوماتيك والمشكلة بختصار انى لما ادور العربية واحط الغيار على D عالشان امشى مابلاقيش اى تعشيق ولا استجابة او حركة وكانى ممور العربية مضطر اجيب الفتيس على الاول منيوال وبعدين التانى بعد كدا اجيب الفتيس على الـ D عالشان العربية تجيب الثالث والرابع
و لو سرعت لحد اخر الرابع وهديت الفتيس بينزل بالغيارات ويطلع عادى مافيش مشكلة من الثانى للرابع .. الاول لاء بيخلى الـD يفصل
ولو هاديت اوى عالشان مطب لازم انزل على الاول منيوال وارجع اطلع تاااااانى
مع العلم فيه بقة زيت ديما تحت العربية ناحية الشمال قدام و شيكت على زيت كان ناقص وزودته ولكن المشكلة مازلت قائمة
شيكت عند محمد عسكر فى الحرفين على الكمبيوتر واتأكدت ان نوع و موديل العربية موجودين عنده على الجهاز وكانت النتيجة الجهاز كتب selector
ذهبت للكيلانى واشتريت الـselector او زى مابيسموه حساس السرعة او مشط الفتيس وركبته ولكن المشكلة زى ماهية وفكيته ورجعته ياترى المشكلة فين؟؟ وايه العمل!!
ارجو الافادة واسف للاطالة وجزاك الله خيرا عنا "
"ياريت تقول رقم العطل بالضبط عشان اقدر اساعدك واغلب الظن ان فيه سلونويد اة صباب قافش مش شغال لان السليكتور ميسببش المشكلة دي"
1000 شكر على سرعة الرد
لكن انا مش عارف رقم العطل كان كام واغلب الظن انها كانت كلمة سيلكتور بس بدون ارقام .. طيب لو كانت المشكلة صباب قافش زى ما حضرتك رجحت .. ايه حلها ؟ هل ممكن الفتيس يتصلح ويبقى تمام من غير مشاكل مستقبلية؟ ولا الافضل ان اغيره ؟
__________________
------------------------------------------------------------------------------------------------------------------------------------------------------------------------------------------------------------------------------------------------
علمت أن رزقي لن يأخذه غيري فاطمأن قلبي،،،،و علمت أن قدري لن يغيره قلقي فهدأت نفسي،،، و علمت أن راحتي في ذكر الله وحده فذكرته،،،، و علمت أن عمري لن أعيش بعده فطابت دنياي ،،،و علمت أن صبري يدخلني جنة ربي فشكرت ربي،،،،جعلني الله و أياكم من الصابرين الحامدين الراضين
م/ وائل محمد
|