[SUPER MARIO]

انا دلوقتى يا جماعة هكتب بعد مضى 12 شهر كاملين على حكم السيد محمد مرسى
بعد اذن استاذ وليد و لو كان ده راى حضرتك ان مشاركتى مش مكانها الموضوع ده انا بعتذر لك و اتمنى انك تتقبل اخر مشاركة اللى هقفل بيها السنة بصدر رحب .
الى الان لم يوضع البيان على موقع البنك المركزى المصرى لكن فى خرج بيان رسمى تناقلته كل الجرائد ووسائل الاعلام من البنك المركزى و هو بيان رسمى كل ما ورد به من ارقام هى ارقام صحيحة و احنا دلوقتى فى انتظار بيانين هامين الاول احنا عرفنا معظم اللى فيه فى بيان سابق للبنك المركزى يوم 24 اكتوبر و هو خاص بسنة حكم مرسى و الاخر خاص باول 3 بعد عزل مرسى
فى بيان يوم 24 اكتوبر للبنك المركزى ذكر فيه ان اجمالى الديون الخارجية زادت بمقدار 8.8 مليار دولار بمعدل 25.7% اى وصلت الى 43.2 مليار دولار اى بما يوازى 298 مليار جنيه مصرى و هذا مستوى قياسى تاريخى
و الدين المحلى الداخلى ارتفع الى 1533.6 مليار جنيه هو ايضا رقم قياسى تاريخى جديد فى تاريخ اليون المصرية و من هنا نعرف ان اجمالى الديون المستحقة على مصر داخليا و خارجيا وصلت الى 1831.6 رقم قياسى كارثى
http://www1.youm7.com/News.asp?NewsI...3#.UpSCHJHrrLx
اللينك ده من موقع جريدة اليوم السابع يوضح هذه الارقام فى البيان الخاص بالبنك المركزى المصرى.
و كان فيه سؤال لاستاذ وليد انا هحاول اوضحه و اوضح اجابتى عليه بطريقة تانية
لو عند حضرتك يا استاذ وليد مشروع و جيت انا توليت ادارته و بيقت كل شهر بحققلك خسائر تقدر بألف جنيه مصرى و فشلت فى ادارة هذا المشروع جيت حضرتك بعد ما انا فشلت سحبت منى شرعية الادارة و منحتها لشخص اخر و ليكن اخونا تامر كوكو اخونا تامر تولى ادارة هذا المشروع وخفض الخسائر اللى انا كنت بعملها كل شهر من 1000 جنيه الى 600 جنيه بس مش يبقى حقق نجاح اكيد اه
مع ذلك فى ناس و انا واحد منهم بيقولوا لا استاذ تامر ده ايده مرتعشة مش عارف يتصرف كان ممكن يقلل الخسائر الى اكتر من كدة بكتير و دى حقيقة و خصوصا ان كل الظروف متهيأله و هناك دعم عربى كبير مالى و سياسى و اه كان فى حظر و هو خد اهم قرار فى مصر الحديثة اللى اسسها محمد على و هو تحديد حد ادنى للاجور ب 1200 جنيه بس برده كان فيه المزيد انه يحققه وسط كل الدعم اللى كان متواجد ليه عشان كدة انا حكمت عليه انه فشل هو الاخر فى الادارة او على المستوى الاجمالى اتمنى ان يكون الشرح البسط ده وصل لحضرتك اللى انا عايز اقول و يكون رد على سؤال حضرتك يا استاذ وليد مسلم فى المشاركة رقم 86
انا يا جماعة و لكل واحد شاف الموضوع حبيت ان الموضوع ده ياخد مسار مختلف شوية عن الشتيمة و الصور بس للاسف
فى طرف دائما يتهكم و يقولك اللى انت بتكتبه ميخصنيش هو زى ما قال استاذ احمد عبد المقصود مش هيقتعنوا حتى ببيانتهم هم
استاذ وليد مسلم اتمنى انى اكون متقلتش على حضرتك
استاذ تامر كوكو انا بعتذر لحضرتك انى استخدمت اسم حضرتك و انا بوضح بمثال فى المشاركة
استاذة سلوى شكرا لحضرتك انك تتطوعتى انك تنظمى هذا الحوار
اتمنى ان تكون مشاركتى كانت مفيدة و وضحت جزء و لو بسيط من الحقائق الاقتصادية
تقبلوا جميعكم مرورى و تحياتى لكم جميعا