المشاركة الأصلية كتبت بواسطة moslem2
السيارة لن تنتنشر مثل سابق عهدها وذلك لوجود منافس قوى دخل الى مواقف المحافظات وهو الميكروباص تويوتا هاى ايس وعلى لسان احد السائقين الى باع عربيته ال 504 الاجره فقولتله بعتها ليه عالاقل انت مكنتش بتدفع قسط ولو هتكسب قليل فانت شارى دماغك من هم الى الاقساط قالى بالحرف الواحد البيجو معتش بياكل فى الموقف زمان كنت بدخل الموقف قدامى 10 عربيات بيجو بيحملوا والعربيه 7 راكب دلوقتى بيبقى قدامى 8 ميكروباص واتنين بيجو والميكروباص الواحد 14 راكب يعنى باتنين بيجو فبتأخر الضعف فى الموقف وبتعب زييى زى سواق الميكروباص مع العلم ان الميكروباصات التويوتا مش بتقف لانها بتجرى جامد والسواقين مش بيقفوا علشان عليهم اقساط جامده فالعربيه البيجو حاليا سوقها وقف مع سواقين بعض المحافظات وانا بتكلم عن محافظتى المنصورة وخط المنصورة عبود ,,وشربين عبود كله اتحدث بتويوتا وسواقين البيجو مش بياكلوا عيش فاكيد مش هيغلطوا ويروحوا يجيبوا بيجو زيرو وباقساط ويتعطل قدام الميكروباص,هى ال504 ممكن تنجح فى التاكسى لقوتها وخاصة بعد ما الشاهين اتوقف انتاجه واهى قويه وواسعه وبتجرى
|
كلام جميل جداً
أحييك على ردك
المنافس القوي وهو الميكروباص التيوتا وغيره لم يكن موجود من ثلاثين ولا من عشرين سنة
لذلك إنتشرت السيارات البيجو ال 7 راكب
لكن بعد نزول الميكروباص التويوتا إكتسح البيجو فوراً
والأخطر هو الميكروباص الصيني المجمع في مصر
أو القادم من الصين
وسعره منافس جداً
وبنفس المكونات اليابانية
فلا أمل للبيجو بالفعل إلا في حال إنها تكون تاكسي صالون 4 راكب بدل الشاهين في حال إن سعرها سيكون مناسب (وهذا ما لا أتوقعه)