المشاركة الأصلية كتبت بواسطة bodycar
انا معايا عربيه اسمها 1979 Chrysler Simca
ممكن تتعدلها
ممكن الاقي ليها اكسسوارات و تظبيطات في اسبير كار
انا مش عارف اعمل فيها اه و معايا 5000 ج
و مش ممكن ابيعها علشان ده انا واخدها من ابويه و ابويه واخدها من جدي يعني من الاخر عربيه عزيزه علي بابا
بس لازم اظبطها مش اركبها كده
|
بص لو عندك استعداد تغير الموتور والفتيس ممكن اعملك خطة تعديل مرعبة فى حدود ال 5000 دول الموتور عندك 4 سليندر 1118 cc المشكلة مش هنا بس المشكلة ان الشوط قليل جدا 65 مم معامل الانضغاط عندك مقبول 9.6 اكيد كنت بتستغل ده للبنزين 80
البودى هيتعمله اولد فيشن ابديت و هيتعمل معاه الايرو دينامك بتاعة
مش هينفع تتصرف بجموح مع العربية دية عشان كده بقترح اننا نمشى على النمط السبعيناتى و الرسومات تكون بالدهبى تنين حصان اسد جو السبعينات الاطارات هتفضل زى ما هيا لكن هنحط تيسلا ايفيكت عليهم طول ما انت ماشى هيبان الاطارات كأن فيهم برق بنفسجى و ازرق بيحصل الاطار الخلفى بفكر اخفيه مع الايرو دينامك كيت بكاب زعانف هوائية تتحرك بمواتير صغيرة
الموتور الجديد هنعرف قدرته قد ايه و نعدله بالتربو او الشارجر المناسب و هنعمل فتحات بالكابوت هندمج بين البرونز و خشب الماهوجنى و فى التابلوه من جوه هنغير الدرج و راس عصاية الفتيس للخشب نفس الكلام الكلام بخصوص عدادات السرعة
المشاركة الأصلية كتبت بواسطة MmFFoR
بصراحة سيمكا دي عربيه فرنسي تم انشاءها من قبل فيات ايطاليا في فرنسا, ثم تم شراءها لفورد فرنسا و بعدين تم الاستحواذ عليها من قبل كراسلر اوروبا و لما كرايسلر اوروبا صفت اعمالها تم تصفية سيمكا معاها و بكده اختفت العلامه التجارية تماما! مش حتعرف تبيعها لان الشركة اصلا قفلت و ملهاش قطع غيار جديد او استيراد الا انك توفقلها او تفبركلها! كانت معروضه قدامي ب 3 الاف جنيه و كله كان خايف يشتريها !
عموما طالما انك وارثها يبقى اتمنى انها حالتها ممتازه و مش محتاجه صيانه, خليك حذر و حريص و انت بتقودها .
بلاش تعدل فيها لان لو 128 يبان فيها التوضيب بس العربيه دي مبيبانش فيها تعديل! اركبها و اعتبرها وسيلة مواصلات مش وسيلة روشنة
|
انت صعب تلاقى هيكل بالمتانة دية دلوقت