السادة الافاضل / أشرف وكذلك أ/ سيف
تحية لكما على المجهود الرهيب المبذول من كليكما فى شرح المشاكل والعلاج لكل مشكلة
انا تابعت مشواركما الطويل معاً فى ضبط مشاكل سيارتك يا أ / اشرف وانا معى اوكتافيا 99 اوتوماتيك زى بتاعتك تمام ومريت بنفس المشكلات تقريبا والحمد لله العربية معى زى الفل دلوقتى ومفيهاش الهوا وطبعا تعبت جدا لغاية لما وصلت للمرحلة اللى انا فيها لانى مكنتش اعرف حد كويس فاشتغلت مع توكيل دفعنى
وبعدين اتعرفت على واحد كان شغال فى التوكيل وبعدين فتح ورشة مستقلة فى الحرفيين فى القاهرة وبصراحة ربنا من ساعة ما كملت معاه وهو مظبط لى العربية 100 100 ربنا يبارك له ولو عاوزين اى مساعدة فى اى حاجة انا تحت امركم لانى اعتقد بقيت خبرة فى العربية دى ... وعلى فكرة يا أ/سيف العربية دى (رأيى الخاص) انها افضل من العربيات الحديثة كلها الجديدة الكورى والصينى (لو كانت حالتها كويسة) وانا باحس بكده وانا راكبها ومسافر بيها بسرعتها وثباتها على الطريق