افيدوني يا خبراء الريجاتا
السلام عليكم ورحمة الله وبركاته
اخوكم محمود حمدي من اسكندرية
اتوكلت علي الله ونويت اشتري عربية لي ولاسرتي طبعا من بهدلة المواصلات وكمان علشان مدرسة ابني زياد وبصراحة من ساعة ما كنت باتعلم في مدرسة السواقة علي الشاهين وعجبني جدا شكل وسواقة العربية دي المهم وباختصار في عربية ريجاتا 85 مع مكتب اعرفهم وانا بصراحة ميال للموديل ده عن ال128 واللادا المهم ان العربية لما شفتها وحاولت اجربها كده لوحدي واشوف الحالة ايه وكده حقولكم علي كل اللي شفته فيها وانتم احكموا
فيها بارومة من الجنب عند الشنطة من ورا من ناحية الكوتش (ده علي كلام واحد صاحبي بص عليها)
الراجل معدل فيها شوية حاجات زي ما واضح في الصورة حاجة كده علي الكبوت الامامي زي سبويلر ومغير الشبكة الامامية
ليه دواسات الريجاتا بعيدة اوي كده وليه كمان قريبين من بعض اوي كده
التابلوه بتاعها مش وحش بس حاسس انه مفكوك يعني بيلوق
الغيارات بتاعتها ناشفة اوي وبالاخص لو العربية مبطلة وبتحاول تجرب غياراتها تلاقيها مش بتيجي خالص لازم تدور وتدوس دبرياج علشان الغيارات تيجي معاك وبرده ناشفة
ماتورها صوته ناعم مش وحش بس لسه بصه الميكانيكي
لو عفشة الريجاتا عايزة تتعمل تتعمل بكام مثلا
العربية معروضة عليه ب16000 وده نهائي لانهم شارينها بنفس السعر وده كان قدامي ايه رايكم في الحالة اللي حاولت اوصفها
انا بصراحة بحب العربية دي بس اكتر حاجة مضايقاني موضوع الدواسات اللي بعيد ده
بس حتعود عليه اكيد وهل هو في كل العربيات كده ولا في العربية دي بس
|