المشاركة الأصلية كتبت بواسطة ahmedgis
مبروك يا Mohamed Amer 99 على العربية
بس ممكن حضرتك تقول ايه رأيك فيها وفى
مثلا ارتفاعها عن الارض والمطبات اللى بقت فى كل مكان وسحبها وانت مشغل التكييف وهل التكييف قوى ولا ضعيف وصوت الموتور ايه نظامه وكمان قطع الغيار وهل احتجت تغير حاجة تانية غير الاكصدام اللى اتكسر وايه مشاكلها اللى قابلتك وخصوصا تقريبا دلوقتى اكيد عملت بيها اكتر من 10000 كم يعنى عايز منك تقرير ياريت عن رأيك فيها بمنتهى الصراحة عشان انا عايز اجيب الاوتوماتيك بتاعها ومتردد بيهنا وبين الجيلى باندا بتاعة غبور وخصوصا تقريبا هما بنفس السعر بس الجيلى 1300 سى سى وفيها 2 اير باج وضمانها 5 سنوات او 100000كم عكس الشانا 3 سنوات فقط والمشكلة انى مش لاقى حد اسأله عن الجيلى الجديدة عشان اعرف منه ايه اخبارها
فمعلش هتقل عليك عشان اعرف منك ايه اخبارها معاك بعد الـ 10000 كم.
وشكرا
|
أولا يا أستاذ أحمد متشكر على مرورك بالموضوع وتعليقك عليه
بالنسبه لإرتفاع العربيه عن الأرض فللأسف العربيه واطيه جدا وبالنسبه للتكييف فهو حلو جدا حتى وانا بجرى بالعربيه برضه جميل مش وحش أبدا والدليل اننى كنت بعدى بيها 120 كم وساعات 140 كم والتكييف شغال برضه
صوت الماتور هادى جدا جدا جدا كمان
بالنسبة لقطع الغيا كنت احتجت كارتيرت زيت علشان اتخرمت منى بس ماكانتش موجوده فالتوكيل والتوكيل لحم الكارتيره بتاعت العربيه وخلاص
انا عديت 17000 بالعربيه دلوقتى والحمد لله والعربيه الحمد لله تمام ماليش ملاحظات الا حاجات بسيطه شوية
الهاند برايك يمكن خفيفه شوية
ودلوقتى بقيت لما بدوس فرامل وانا بجرى بسمع صوت غريب من الفرامل كده زى ما يكون فى زغوره (وماحدش يسألنى يعنى ايه زغورة دى ) ولسه ماعرفش الصوت ده ليه
وبالنسبه للإكصدام انا لحمته عند حد بتاع فايبر وبقى تمام جدا
انما باندا انا ما اعرفش عنها اى حاجه للأسف فمش هاقدر أفيدك فيها