[nktis]

المشاركة الأصلية كتبت بواسطة kj1 إمام مسجد يطلق النار على مصلين بدسوق رفضوا تكفيره معارضي مرسي الجمعة, 09 أغسطس 2013 23:54 مؤيدي مرسي أونا قام إمام وخطيب بقرية “دمنكة” مركز دسوق، بإطلاق أعيرة نارية هو وشقيقه على المصلين لقيامهم باعتراضه أثناء كلامه فى السياسة، ودروسه وخطبه بالمسجد ودعوته للوقوف لمناصرة الرئيس المعزول، وقيامه بالدعاء على الفريق أول عبد الفتاح السيسى، وزير الدفاع، وجبهة الإنقاذ الوطني، الأمر الذي أدى إلى استيائهم منه ومطالبته بعدم الصعود للمنبر مرة أخرى، وهو ما دفعه للقيام بهذا الفعل. وكان ” م.ع.ا ” يعمل إمامًا وخطيبًا بالمسجد الشرقى بقرية ” دمنكة ” مركز دسوق ولتكراره الخوض فى السياسة ومناصرة مرسى فى خطبه وانتقاده للذين يعادون جماعة الإخوان زاد ذلك من غضب المصلين بالمسجد الذين قاموا بتسجيل إحدى خطبه وتقدموا بشكوى للأوقاف لنقله من المسجد حتى قامت إدارة الأوقاف بنقله منذ أسبوعين إلى المسجد البحرى بنفس القرية. ورغم اتفاقه بعدم الخوض فى السياسة مرة أخرى إلا أنه تمادى فى خطبة ودروسه بالمسجد وكرر ما قاله فى الخطب السابقة بنقده للسيسى ولجبهة الإنقاذ والدعوة للوقوف بجانب الرئيس المعزول حتى يعود مرة أخرى، ووصفه كل من يعادى مرسى وجماعة الإخوان بالكفر، ما دفع المصلين بالتشابك معه واعتراضهم على الخطبة. فما كان منه إلا أنه قام بالتوجه إلى منزله المجاور للمسجد والاستعانة بشقيقه وقاما بإطلاق أعيرة نارية من طبنجة كانت بحوزته، فتدخل أقاربه الذين قاموا بمحاولة منعه إلا أن إحدى الطلقات خرجت لتصيب قدم ابن شقيقته والذى تم نقله على الفور لمستشفى دسوق لتلقى العلاج.

للى عاوز يعرف حجم الجريمة والمأساه اللى أحنا كنا بنعانى منها :
---------------------------------
فى قرية تابعه لبلدنا ( دسوق ) أسمها قرية ( دمنكه ) القرية دى سيطر عليها الإخوان بالعافية ووزير الأوقاف اللى هو مجرم بكل ما تحمله الكلمة من معنى عين الإخوان فى كل المساجد فيها هى والقرى بتاعت خط الساحل كله ... المساجد كانت ليل ونهار تشتم فى كل ما هو معارض وتحولت لمنبر سياسى وبقيت الألفاظ الخارجة مباحة للخطباء وشتيمة بالأب والام فى الإعلاميين وفى السياسيين ...

كل ده عادى لكن الكارثة ان البهوات خطباء المساجد دى التابعين لعفيفى مسلحين ومعاهم سلاح بيواجهوا بيه وبيحموا بيه الشريعه ..اه والله ..اه والله سلاح مع الخطباء بتوع طلعت عفيفى

الناس دى قدمنا فيها شكاوى بعد عزل مرسى ولأن شيخ الأزهر والازاهره ناس طيبة ( طيبيين اوووووووووووووووووووووى ) مبيرضوش يقطعوا عيش الناس دى وبيكتفوا بالنقل

فى دروس المسجد شيخ المسجد الشرقى فى قرية دمنكة قال كلام عنيف جدا وقال ان بتوع تمرد دول لازم يتقتلوا وقعد يشتم فى السيسى ويعلن تكفير الجيش وكتير كلمونى فى الكلام ده ورحت عملت شكوى للأزهر واهلى القرية قدموا شكوى وتم نقل الشيخ لمسجد أخر فى نفس القرية واتحقق معاه وقال انه محصلش ومضى على تعهد انه لا يقول كلام عنصرى او يحض عل ىالقتل

الجمعه اللى فاتت دى على طول نفس الشيخ طلع على المنبر وقال أن الجيش المصرى عميل وكافر وكرر وردد كلام أحمد منصور والبلتاجى وقعد يقول هناك أبطال فى سيناء يحاربون الجيش المصرى العميل والناس فارت ضده ورفضت كلامه وحاولوا منع أستمرار الخطبه قام الشيخ طلع سلاح وضرب نار على المصلين

والله زمبقولك كده ..الشيخ الإخوانى فى دمنكة فى دسوق فى كفر الشيخ بيضرب الناس بالنار علشان رافضين يسمعوا كلامه ضد الجيش ولما اتلموا عليه اخوه هو كمان ضرب الرصاص فى الهواء وقعدوا يهتفوا ..إسلامية إسلامية !!!

انا بحكى القصة دى ليه ؟؟؟ علشان تعرفوا ان طلعت عفيفى مكانش وزير اوقاف دا كان رئيس عصابة !!!!!!

وبحكى الكلام ده علشان لو بكره صدر قرارات بتطهير الأوقاف من مثل هؤلاء الأئمة هتلاقوا ناس مش فاهمة حاجة قاعدة فى التكييف فى القاهره وإسكندرية تقولك فصلوهم ليه فين حقوق الإنسان

لو سمحت والنبى أرمى كوباية النسكافيه والآى باد وتعالى قرى كفر الشيخ والبحيرة احنا الإخوان كانوا مبهدلينا هنا يا فندم ومسيطرين على الجوامع والمسشفيات ومراكز توزيع الخبز ولو كانوا فضلوا كام سنة كمان كانوا عملوها إيران يا فندم والشعب كان خلاص بيستسلم لولا ضربة 30 يونيو بناء على دعوة تمرد !!!

أرجو ان تهتم الحكومة بنا قليلا وتبدأ فى تطهير محافظات الدلتا من الإخوان اللى أحتلوا مناصب فى الأوقاف والمحليات دون وجه حق وتطهر البلد بجد وتفكها من النوشتاء اللى مالهمش علاقة بينا ولا بالواقع .. دول بيضربوا علينا رصاص فى المساجد يا جدعان وكمان بعد عزل مرسى !!!! ارحمونا يرحمكم الله ....
منقول