انا جبت لانسر بوما 2013 كلاسيك الحمد لله
انا حكايتي بقي اني بحب الجري وكده وكان معايا اوبترا قبليها واتسرقت وكده وحوارات بس الاوبترا كانت مانيوال وكانت بتجري ماشاء الله عالطريق بس كنت بشتكي من عفشتها اوي ...
المهم يعني انا قررت اجيب لانسر فالاول فكرت فاستعمال بعد كده قلت خلينا فالجديد وبالقسط وعلي مهلي ... كان نفسي في لانسر مانيوال طبعااااا بس ملقتش لقيت الفتيس الجديد الهيدرو ده ... لفيت عليها مدة كبيرة اوي وفي كل حتة في اسكندرية ملقتهاش ... فتوكلت علي الله وجبت الستبرونيك الكلاسيك 1600 ..
العربية جميلة طبعا ماشاء الله عفشة وساج وشكل وكل حاجة
بس مضيقاني اوي في حاجتين ... استهلاك البنزين كتير جدا عن الاوبترا وتانك صغير طبعا ... بس قلت مش مشكلة بس علي اني بقي الاقي سحب عدل !!
العربية سحبها ضعيف اوي يا جماعة علي موتور 1600 ياباني ...
يعني اجيب عربية بـ 130 الف عشان معرفش اجري بيها ومبتسحبش خالص مش عارف ليه
يعني الـ 100 بتجيبها في 16 ثانية وانا حارق عالغيار بالاستبرونيك !!
انا كنت بجيبها في 11 ثانية بالاوبترا وبالفيرنا في اقل طبعا ..
العربية ماشية 4000 كيلو عشان بقالها اقل من شهرين ...
هل في حلول