[kj1]

المشهد الشهير بتاع مجلس الشعب لما الكتاتنى كان بيتكلم عن الفلوس و التعويضات اللى هيصرفوها لاهالى شهداء و مصابى ثورة 25 يناير فقام الشاعر بصفته والد احد المصابيين ف يوم جمعة الغضب ( ربنا يشفيه ) و قعد يزعق انا مخدتش حاجة يا ريس و مش عايز حاجة انا مش عايز فلوس يا ريس انا عايز قصاص انا عايز قصاص يا ريس ( واضح ان قصاص دى كلمة السر عندهم ) و انفعل ف وسط كلامه و قعد يعيط و راح الكتاتنى هو راخر مطلع مندي...له المحلاوى و قعد يعيط و ام ايمن هى كمان قعدت تعييييط و بقت هوجة و شحتفه
ف البرلمان و كل الاعضاء بتعيط و انا كمان اتأثرت جدا و قعدت اعيط
المهم بقى تلف الايام و تروح الايام و تيجى الايام وتدور الايام و يحكم الاخوان و يقتلوا جيكا و انا اعيط و بعدها يعذبوا الجندى و يقتلوه و انا اعيط و يروحوا الاتحادية و يهدوا الخيم فوق دماغنا و انا اعيييط
و جبنة نستو يا معفنيين اكلها و اعيييييط
و يحاصروا المحكمة و يقتلوا الشباب و يقسموا البلد و انا اعيييييط
و تقوم عليهم ثورة و يطلعوا يرهبوا الناس و يقتلوا الناس ف الشوارع
و اللى هيرشنا مياه هنرشه بالدم و انا اعييييييط
و يا انا يا الحرب الاهلية و الشرعية و انا الرئيس و انا اعيييييط

و يولعوا ف سيناء و يتاجروا بالدم و يضحوا بشبابهم و انا اعيييييط
و يشتموا الجيش و يقطعوا الطرق و يخطفوا الناس و انا اعييييط
ف الجوامع و يعذبوهم و و هيتجننوا و نبقى سوريا و انا اعييييييط
و يطالبوا بالتدخل الاجنبى و الجزيرة تطبلهم و الشيخ
القرضاوى يدعو العرب للجهاد ف مصر ضد الجيش و انا اعييييط

و ف الاخر يطلعوا يعملوا ضحايا و مظلومين و يفضلوا يعيطوا