مفاجأه من العيار التقيل
امبارح كنت معدي علي واحد صاحبي ماشوفتوش من زمان قعدت شويه وسلام سلام قالي ان شاء الله انا ناوي افتح محل تنظيف رشاشات وكشف اعطار كومبيوتر قلتله زي الفل علي الاقل ترحم الناس من السفر هنا وهناك
قولتلك طب ما تفرجني علي الجهاز لقيت جهاز محترم في علبه شيك وعدد كبير من الكابلات وجهاز كبير نوع محترم
قولتله وده بيكشف علي ايه قاللي اي حاجه قولتله كشف ولا معالجه قال الاتنين
قولتله طيب خد التحدي ده انا عايز اكشف علي الانجلون قال وماله جاب الجهاز ووصل الكابل وبدأالتعريف الاوتو علي الobd وفعلا .
الجهاز عرف العربيه سيريال وداتا بس مش بعمق داتا سطحيه بدون تعديل كلام سطحي كله وبيان ان العربيه خاليه من الاعطال قولتله والله كويس انه عرفها اصلا بس عيوبه انه مش متوغل لكل مسمار في العربيه شويه وجاله تليفون وقام
قولت امارس هوايتي واتفحص شويه :
المهم قعدت ادعبش شويه وبرضه مافيش جديد الي ان الهمني ربنا اني طلع من البرنامج الاوتو خالص وطلعت للشاشه الرئيسيه لقيت ماركات عربيات
كيا وهيونداي ورينو وفيات الخ الخ
انزل صفحه الاقي ليفان وجريت وال
انزل كمان الاقي اسبرانزا الله طب الجهاز فيه كل الماركات اه .؟؟؟؟؟؟؟
امال فين الجيلي
لسه بضرب صفحه تحت لاقيت جيلي قلت نهار زي الفل
افتح الصفحه الاقي ايه تخيلوا
englon
emgrend
gleagl
انها الصدمه
افتح انجلون الاقي كل موديلاتها
افتح ايمي الاقي كل موديلاتها في مصر وبره مصر
دخلت عربيه عربيتي ولك ان تتخيل
كل مسمار في العربيه ممكن تتحكم فيه وتعمل فيه اللي انت عايزه
المشكله اني كان نفسي اكشف علي عربيه بس كان لازم اطخ مشوار للعبور في ابو غالي
الحمد لله ربنا هداني للتفكير ده واللي كان صاحبي برضه ماعندوش علم بيه
وفي ثواني كلمت ابن عمي وجبت ايمي ادلتها كشف كامل وقفلت لمه الشيك اللي كانت مزولاه . ورجع الكل مبسوط لبيته