ملخص الموضوع .. انى روحت على ورشة الأسطى أحمد فى المعادى جنب مكتب الصحة وذلك بناءاً على السيرة الطيبة اللى سمعت عنها من الأخ سيد عن ورشة الأسطى أحمد فى حل مشاكل تكييف العربية وانا لسه شارى العربية جديد ( رينو رينبو ) واخدتها من صاحبها وكعادة اى حد بيبيع عربية فيها تكييف يقولك التكييف شغاااااال بس محتاج شحن .. لكن الأسطى أحمد اكتشف ان السربنتينه مخرومة وضاربة زيت ومينفعش فيها لحام لأن موضوع اللحام ممكن يكون مخاطره ورمى فلوس فى الأرض ففضلنا ان احنا نجيب واحده جديدة وفعلاً ركبنا السربنتينة الجديدة بالخراطيم بتاعتها وبعدين كبس واتأكد ان مفيش اى تسريب والحمد لله وبعدين شحنا الفريون ( اخوان رزق ) واكتشفنا ان المفاتيح اللى فى التابلوه بتاعة التكييف كمان مش شغالة لكن الأسطى أحمد فكر وقرر انه يعمل شغل كهربا يحل بيه الموقف ده عن طريق وصلة خارجية اقدر عن طريق مفتاح المروحة انى اشغل التكييف واذود سرعته من خلاله دون الحاجه الى لوحة مفاتيح التابلوه المعطلة وفعلا بدأ يشتغل فى القصة دى الاسطى حسن وهو صنايعى شاطر ومجتهد وبالرغم من صعوبة تنفيذ الفكره الا انه نجح فيها وشغلنا التكييف والحمد لله .. أنا بقالى كده تقريبا 3 ايام ربنا يسهل والأمور تعدى على خير ومتظهرش اى مشكلة تعكر صفو نجاح التجربة
خالص تمنياتى للجميع بالتوفيق ان شاء الله
