كيف تنظف الريداتير بنفسك.....؟
السلام عليكم
==========
أولاً أنا لا زعلان و لا متضايق منكم خالص لأن كل ما أعمل موضوع أو أسأل سؤال ألاقى نفس الرد ...... No Comment >>> معلش, الدنيا تلاهى و ملاهى و دريم بارك كمان.
----------------------
المهم
كنت بأدور مع عم جوجل على طريقة لتنضيف الريداتير بنفسى
لأنى رحت للصنايعى بعد مشوار أبن ..... لاقيت عنده زحمة, قولتله عاوز أنضف و أسلك الريداتير و .... صيانه دورية يعنى, قاللى يا عم روّح أنت فلوسك كتير؟ قولتله طبعاً لأ. و مشيت !!!!!
لاقيت فى النت ناس بتنضف الصدأ إللى جوة الريداتير و جنزار النحاس و الألمونيوم بكذا طريقة:
- ناس بتحط خل مع مياة الريداتير و تمشى بيه يومين ثلاثه و بعدين تغير المياه.
- ناس حطت نص لتر جاز مع المياه فى الريداتير و طلعت مشوار طويل و رجعت نزلته و غسلت المواسير بالمياه و غيرتها.
- ناس بتحط جلسرين على المياه لأنه مانع للصدأ.
- عندنا هنا الأستاذ وائل (أبو نورا) بيفضل إستخدام مذيل الصدأ الكانز مع الماء المقطر بإستمرار_ ده اللى المفروض نعمله بعد التنضيف, بس إحنا لسه عاوزين ننضف.
- طبعاً ورش الريداتير بتستخدم ماء نار مخفف.
أيه أفضل و أسهل الطرق (بنفسك)
و كيفية تسيلك مواسير الريداتير نفسه؟
أنا شايف حكاية الجاز ممكن تكون كويسه, على أساس إن الجاز فعلاً مذيب للصدأ, بس مش عارف ليه أضرار و لا لأ ؟
كالعادة: منتظر الردود كباقى مواضيعى.
__________________
|