[شريف حجازي]

المشاركة الأصلية كتبت بواسطة tarek/ ايه كميه اسكت اسكت دى كل ده ليه هو احنا كمان مش من حقنا نتكلم ماشاء الله اولا لعلمك انا كنت متفائل شويتين لما مرسى مسك البلد لكن تقولى انجازات ومشروع هيحقق !! ده بالظبط زى مشروع النهضه اللى ماشفنا ولا هنشوف منه حاجه سيبنا من موضوع كتاب الانجازات اللى المفروض المواطن العادى يشعر بيها وسيبنا من موضوع ال100 يوم اللى انضربوا ومطلعناش بحاجه وفعلا وحقيقى شعبيه مرسى فى النازل بطريقه كبيره جدا بسبب سياساته هو وجماعته والك>ب على الشعب والضعف انا كمواطن عادى ايه متطلباتى عايز امن عايز اعيش حياه كريمه اظن طلبين مهمين جدا كانوا يقدروا يرفعوا من اسهم مرسى وجماعته سيبنا دلوقت من المشاريع والانجازات لان الرد هيكون الحاجات دى مش هنحسها دلوقت ولادنا هما اللى هيستفادوا طبعا لازم تداول الكلام والانجازات للمدى البعيد لانها غير محسوسه وتبدأو تتغنوا بيها خلينا فى موضوع الامن والحياه الكريمه التى سترفع من اسهم رئيس منتخب غلاء اسعار بدون سيطره مشكله بنزين وسولار وبوتجاز وكوبونات اهانه للشعب المصرى ومنعرفش بتبدأ ازاى وتنتهى ازاى ؟ شويه تخبط رهيب نيجى بقى للامن اظن حضرتك من مصر وعايش فى وسط الناس ياطيب لو انت مسافر واتاخرت بتكون قلقان عندك قلق على اولادك سرقات بالجمله تثبيت لا يمر يوم والا نجد حوادث قتل بقى على المزاج ده رئيس الوزراء لم ينجوا من البلطجه ومساعد وزير الداخليه اتثبت واتاخدت عربيته فيه ايه تانى فين الانجاز فى الامن بس فضلا لما تحب تقول رأيك بلاش كلمه اسكتوا دى لانها مستفزه ولا هى دى ديموقراطيه جديده انت تطلب بتكميم الافواه ورفض الطرف الاخر هقولك من الاخر واقسم بالله من جوه قلبى انا قرفت من البلد ومن الاخوان ومن مرسى ومن اى كلام فى السياسه الله يل....................... ................. ولا بلاش احتراما للمنتدى بس انا بقولها كل يوم وكل مابشوف واحد منهم

اولا انا مقلتش غير مرتين اسكت او اسكتو مش كمية من الكلام زي ما حضرتك بتقول ثانيا انا بقول اسكت للي بيدعو للتشاوم مش الي بيقول رائو فمن حق كل واحد يقول رايو بس بلاش الراي السلبي الي لا بيقدم ولا بياخر او الراي الي بيتحكم علي الفاضي والمليان عموما لو الناس كلها كارهين مرسي يبقو مينتخبهوش الدورة الجاية وده الحل الشرعي لان الي الناس اليومين دول بيقولوه من هطل سياسي بالدعوة لحملة تمرد والدعوة لانخابات ريأسية مبكرة مجرد كلام عبيط لان لو الموضوع كدة يبقا لما اي رئيس هيجي مش علي مزاج الناس يدعو لانتخابات رئاسية مبكرة ومحدش هيكمل مدة كاملة لان مش هتلاقي حد علي مزاج كل الناس وبعدين الي مش اجبو مرسي دلوقتي هقولو ماشي يا سيدي هاتلي واحد يملا مكانو وانا ارشحو معاك هتجيب مين يا مولانا هتجيب ابو النصابة ولا هتجيب الخواجة ولا هتجيب الخمرجي ولا هتجيب ابو قفا يا ناس بلاش كلام فارغ الي علي الساحة دلوقتي مجرد ارجوازت الواحد منهم اهدافو بقت واضحة اكتر منو الي عايز يمسك البلد ويبقا قدها ينزل يورينا ارائو واقترحاتو في تعمير البلد مش نقد نقد نقد وللاسف كلو سلبي معندوش حلول ومش عايزني اقولو اسكت عندك الحق لازم اقولو يخرس احسن