عايز اشتري عربية بس مليش خبرة
السلام عليكم ورحمة الله وبركاته انا عايز اشتري عربية بس مليش خبرة في الانواع والكماليات وكدا يعني ومعرفش افرق بين الالماني والكوري وخلافه بس انا معايا في حدود 190 الف وممكن اكملهم ل 200 الف بس انا عايز عربية تمام
بالنسبة لتحديد النوع انا معرفش بصراحة بس ياريت العربية تكون سيدان او كوبيه ويكون شكلها شبابي شوية وتستخدم بنزين 92 عادي عشان انا كنت خلاص ناوي اجيب الفانتازيا بس بعد ما نزلو موديلات 2013 الغالية اوي دي واللي بتستخدم بنزين 95 غيرت رأيي تماماً وكمان مراكز الصيانة اللي انتو عارفنها بتاعت الاسكودا بشكل عام
حفظكم الله محتاج عربية مراكز الصيانة بتاعتها تكون تمام ومش مزعجة وقطع غيارها موجودة ومنتشرة ومواجهش صعوبة لو لقدر الله عربيتي اتخبطت
للعلم انا فكرت كتير في الالنترا والسيراتو اعلى الفئات وكمان الاوبل استرا سيدان بس مش اعلى فئة طبعاً عشان معدية الرينج انا بالإنتظار حفظكم الله
|