بلف الايدل او صمام الايدل
دا صمام بيبقى متركب على البوابة بتاعت الماتور ومهم جدا للعربية
عند التسخين الصباحى بمعنى مش انت لما بتدور العربية الصبح بتلاقى صوت العربية عالى شوية ومؤشر rpm عالى على 1000 لفة وبينزل شوية شوية لحد ما يوصل 700 لفة لما العربية تسخن صح كدة
طيب مين المسئول انى العداد يرتفع عند 1000 لفة عشان العربية تسخن هو صمام الايدل دا
طيب لما تشغل التكييف بيكون هو برضة المسئول عن ظبت السلانسية عشان التكييف يحمل على الماتور
طيب تخيل معايا كدة لية العداد بتاع rpm لما بتمور العربية وتسيبها دايرة لية مش بتفصل مع انى انت مش دايس بنزين امال مين اللى دايس بنزين ومخلى العربية شغالة هنا انا اقولك المسئول صمام الايدل
مع الوقت الصمام دا بيلم اتربة وكدة فبيخرف ممكن تبقى ممور وتلاقى العداد وصل 2000 و 3000 لفة ودا حصل معايا وتلاقى العربية ممورة وتنزل العداد لحد ما تكركر وتفصل
فبيحتاج اما نضافة او تغيير ولو عايز اى استفسار تانى انا موجود والاخوة الافاضل موجودين
