المشاركة الأصلية كتبت بواسطة Engineer Ebrahim
أهلا بيك في منتدي تحفه روح الأسرة الواحدة ... نورت ومبروك علي ال127 ولو انها جت متأخرة هسألك علي قطع الغيار اللي انت عاوزها بالظبط وبإذن الله تلاقي اللي انت عاوزه ... وحابب أشكر الناس كلها بما فيهم تامر باشا ملك العفشة ... والتعليق ... انا قريت كل كلمة من كلامكم كلكم الله ينور بجد  |
م/ ابراهيم
اشكر حضرتك لاهتمامك بالرد الكريم وربنا يبارك فيك
اما عن سؤال حضرتك فأنا عندى شوية مشاكل فى العفشه وظروفى فى الوقت الحالى متسمحش انى اعملها كلها فقلت ابتدى خطوه خطوه ابتداء من الاهم فالمهم لقيت ان المساعدين الاماميين لهم الاولويه وده لانهم شايلين الماكينه باستمرار وبيقابلوا احمال المطبات والملفات وغيره بالاضافة لأهميتهم الكبيرة لاتزان السياره غير انه مع الوقت يتعرض الشاسيه لمشاكل انا فى غنى عنها
المهم سألت عليهم لقيت ان السعر بالنسبه لظروفى كتير ... قلت اسأل على الاستيراد لقيته تقريبا بنصف قيمة الجديد لكن ...
1- العمر الافتراضى مش معروف
2- صعب يكون الاثنين اخوات (من نفس السيارة) وحتى لو اخوات ممكن واحد يكون متضرر اكتر من اخوه لاى سبب والاسباب كتير زى ما حضرتك عارف
3- ممكن بعد فترة مش طويله ينتهى عمرهم الافتراضى وارجع تانى نقطه ومن اول السطر
اخيرا هدانى تفكيرى للصينى انه يكون ارخص وجديد والاتنين زى بعضهم
وفى التوقيت ده بالصدفه وصلت للمنتدى الجميل ده وقلت أسأل أهل الخبره ودعيت يارب يجى الرد بسرعه لان وضع العربيه ميحتملش تاخير
تقبل تحياتى واعتذارى للاطاله