[حازم شاهين]

أولا ألف مبروك و شكرا على التقرير الجميل
واضح إن الإنطباع العام عن السيارة إيجابى و ده كويس
عجبنى التدرج فى سرعة السير على مراحل من القاهرة لنويبع
بالنسبة لموضوع زاية الإضاءة فظبطها يدوى سهل و ما بياخدش أكتر من 5 دقائق عند الكهربائى أو ممكن الإشارة له عند أول صيانة
و بالنسبة لمفتاح التحكم فى زاوية الإضاءة فده أعتقد خاص بالنور الواطى فقط و ليس العالى

بالنسبة لموضوع التليين فى أول ألف فده مش دقيق قوى لإن المحركات الحديثة كلها بتخرج من المصنع متلينة إلكترونيا و لكن معظم شركات السيارات بتنصح بعدم تجاوز سرعة معينة فى أول 1000 أو 5000 كم للإحتياط فى حالة وجود عيب صناعة و كمان علشان الزيوت فى الموتور و الفتيس خاصة بمرحلة التصنيع و التخزين

بالنسبة للعزم فإن شاء الله هنحس بفرق كبير بعد 5000 كم و خصوصا لو عملت فتح أو تفتيح للموتور لكن ما تقلقش من القرص على الغيار لإننا شبعنا كلام عن الموضوع ده أيام الإسبيرانزا و معظم العربيات الجديدة إللى بتدى أقصى عزم ليها على أر بى إم عالى يعنى 4000 أو 4500 مش زى زمان لما كان الموتور بيجيب أخرة على 2000
عموما الأر بى إم لغاية 3500 يعتبر عادى مع المواتير الصينى

ألف مبروك مرة تانية و منتظرين متابعة التقرير مع الوقت علشان نتعرف على الخصائص التانية فى العربية